{"id":103040,"date":"2026-08-07T09:55:06","date_gmt":"2026-08-07T09:55:06","guid":{"rendered":"https:\/\/gospeltodaynews.com\/?p=103040"},"modified":"2026-08-07T09:55:06","modified_gmt":"2026-08-07T09:55:06","slug":"korali-amahoro-yashyize-hanze-indirimbo-nshya-ntiyarekeye-gukora-yibutsa-abakristo-ko-imana-igikora-ibitangaza","status":"publish","type":"post","link":"https:\/\/gospeltodaynews.com\/?p=103040","title":{"rendered":"Korali Amahoro yashyize hanze indirimbo nshya \u201cNTIYAREKEYE GUKORA\u201d yibutsa abakristo ko Imana igikora ibitangaza"},"content":{"rendered":"
<\/div>\n

Korali Amahoro ibarizwa mu Itorero rya ADEPR Kinamba\/Kimihurura yashyize hanze indirimbo nshya yise \u201cNTIYAREKEYE GUKORA\u201d, igamije gukomeza kubwira abantu ko Imana idahinduka kandi ko imbaraga zayo zo gukora ibitangaza zigikomeje no muri iki gihe.<\/p>\n\n\n\n

Korali Amahoro iyobowe na Narwaka Angelique, kuri ubu igizwe n\u2019abaririmbyi 65 b\u2019ingeri zitandukanye, ikomeje gukoresha impano y\u2019umuziki mu kugeza ku bantu ubutumwa bw\u2019ukwizera, ibyiringiro ndetse no kwibutsa abakristo ko Imana ikomeza gukora mu buzima bw\u2019abantu.<\/p>\n\n\n\n

Indirimbo nshya \u201cNTIYAREKEYE GUKORA\u201d ikubiyemo ubutumwa bushingiye ku bikorwa n\u2019ibitangaza by\u2019Imana, yibutsa abayumva ko Imana yakoraga kera kandi ko n\u2019uyu munsi igifite ubushobozi bwo gukora ibirenze ibyo abantu batekereza.Ubutumwa bukomeye buri muri iyi ndirimbo ni ugushishikariza abantu kongera kugira icyizere mu Mana, cyane cyane mu bihe bigoye aho umuntu ashobora kumva ko ibibazo bye nta gisubizo bifite.<\/p>\n\n\n\n

Korali Amahoro igaragaza ko kuba ibitangaza byarabaye mu bihe byashize atari amateka gusa, ahubwo ko ari ubuhamya bw\u2019imbaraga z\u2019Imana kandi ko abantu bakwiye gukomeza kuyiringira. Mu butumwa bw\u2019iyi ndirimbo, Korali Amahoro inagaruka ku nkuru izwi cyane yo muri Bibiliya, aho Yesu yahagije abantu ibihumbi bitanu akoresheje imigati itanu n\u2019amafi abiri.<\/p>\n\n\n\n

Iyi nkuru ikoreshwa nk\u2019urugero rw\u2019uko ibyo abantu bashobora kubona nk\u2019ibidahagije bishobora kuba intangiriro y\u2019igikorwa gikomeye iyo biri mu maboko y\u2019Imana. Ni ubutumwa busaba abantu kutareba gusa ku byo bafite cyangwa ku bunini bw\u2019ibibazo bahanganye na byo, ahubwo bakareba ku bushobozi bw\u2019Imana, kuko ibishoboka ku muntu bishobora kuba bike, ariko ku Mana bikaba byinshi.<\/p>\n\n\n\n

\u201cNTIYAREKEYE GUKORA\u201d ni indirimbo ya gatatu Korali Amahoro imaze gushyira hanze mu zigize album yayo yise \u201cIsooko y\u2019Urukundo\u201d, iriho indirimbo umunani (8). Iyi album ni imwe mu mishinga Korali Amahoro ikomeje gushyiramo imbaraga mu kuyimenyekanisha, aho buri ndirimbo iba ifite ubutumwa bugamije gukomeza abantu mu kwizera no kubegereza Imana binyuze mu muziki wo kuramya no guhimbaza.<\/p>\n\n\n\n

Kuri Korali Amahoro, umuziki ntufatwa nk\u2019uburyo bwo kwidagadura gusa, ahubwo ni n\u2019inzira yo kubwiriza, gukomeza abafite intege nke no kugeza ubutumwa bw\u2019Ijambo ry\u2019Imana ku bantu batandukanye.<\/p>\n\n\n\n

Korali Amahoro imaze igihe ikorera umurimo w\u2019Imana binyuze mu ndirimbo, kandi kuba ifite abaririmbyi 65 b\u2019ingeri zitandukanye bituma ikomeza kugira uruhare mu bikorwa by\u2019itorero ndetse no mu kugeza ubutumwa bwiza ku bantu benshi.<\/p>\n\n\n\n

Mu gihe indirimbo \u201cNTIYAREKEYE GUKORA\u201d iri gusangizwa abakunzi b\u2019umuziki wa Gospel, ubutumwa Korali Amahoro yashyize imbere burasobanutse: ibihe bishobora guhinduka, ibibazo bishobora kuza, ariko Imana ntihinduka kandi imbaraga zayo zo gukora ziracyahari.<\/p>\n\n\n\n

Korali Amahoro irasaba abayumva kwakira ubutumwa buri muri iyi ndirimbo, bagakomeza kwizera no gutegereza ibyo Imana ishobora gukora mu buzima bwabo.\u201cNTIYAREKEYE GUKORA\u201d ni indirimbo iza nk\u2019ubutumwa bw\u2019icyizere, yibutsa buri wese ko n\u2019iyo ibintu bisa nk\u2019ibidashoboka, Imana igifite ubushobozi bwo gukora.<\/p>\n\n\n\n

<\/p>\n\n\n\n

\"\"<\/figure>\n\n\n\n

Korali Amahoro igaragaza ko kuba ibitangaza byarabaye mu bihe byashize atari amateka gusa, ahubwo ko ari ubuhamya bw\u2019imbaraga z\u2019Imana<\/p>\n\n\n\n

\n