{"id":103064,"date":"2026-08-12T04:27:01","date_gmt":"2026-08-12T04:27:01","guid":{"rendered":"https:\/\/gospeltodaynews.com\/?p=103064"},"modified":"2026-08-12T04:27:04","modified_gmt":"2026-08-12T04:27:04","slug":"himbaza-family-choir-yateguye-igiterane-cyiminsi-itatu-itumira-amakorali-afite-umwihariko-mu-kuramya-imana","status":"publish","type":"post","link":"https:\/\/gospeltodaynews.com\/?p=103064","title":{"rendered":"Himbaza Family Choir yateguye igiterane cy\u2019iminsi itatu itumira amakorali afite umwihariko mu kuramya Imana"},"content":{"rendered":"
<\/div>\n

Himbaza Family Choir na ADEPR KamuhOza Parish batangaje igitaramo gikomeye cyiswe Himbaza Gospel Fest, giteganyijwe kubera muri ADEPR Kamuhoza kuva ku itariki ya 21 kugeza ku ya 23 Kanama 2026. Ni igikorwa kigamije guhuriza hamwe abakristo, amakorali n\u2019abaramyi mu bihe byamasengesho, kuramya no guhimbaza Imana.<\/p>\n\n\n\n

Iki gitaramo kizaba gifite insanganyamatsiko iri muri \u201cZaburi 132:2\u201d, ikaba itumira abitabiriye kwegera Imana no kuyihimbaza mu buryo bwihariye. Abateguye iki gikorwa bavuga ko ari umwanya wo gusangira ubutumwa bwiza binyuze mu ndirimbo, kuramya no kwigisha Ijambo ry\u2019Imana.Mu bazatanga ubutumwa muri Himbaza Gospel Fest harimo Pasiteri Rudasingwa Claude, Pasiteri Mugabowindekwe Joseph na Pasiteri Cyubahiro Charles, bakaba bategerezanijwe amatsiko menshi n’ibyishimo mu gutanga inyigisho n\u2019ubutumwa bwubaka abakristo mu minsi itatu y\u2019iki gitaramo.<\/p>\n\n\n\n

Nyota ya Alfajiri, Siyoni, Asmos n\u2019ayandi makorali mu bazasusurutsa Himbaza Gospel Fest<\/h2>\n\n\n\n

Amakorali n’amatsinda atandukanye arimo Nyota ya Alfajiri Choir ADEPR Gatenga, Siyoni Choir ADEPR Jenda, Asmos Choir ADEPR Nyakabanda, Lehi Choir ADEPR Kamuhoza, Jehovah Jireh Choir ADEPR Kamuhoza ndetse na Hermon Choir ADEPR Kamuhoza nayo igeze kure imyiteguro yo kwitabira iki gitaramo. Biteganyijwe ko aya makorali azatanga umusanzu ukomeye mu kuramya no guhimbaza Imana.Abateguye iki gitaramo bagaragaje ko gahunda zacyo zizaba mu bihe bitandukanye.<\/p>\n\n\n\n

\"\"
Pasiteri Rudasingwa Claude n\u2019abandi bashumba bazigisha muri Himbaza Gospel Fest<\/figcaption><\/figure>\n\n\n\n

Ku wa Gatanu, tariki ya 21 Kanama, kizatangira saa 16:00 kugeza saa 21:00, mu gihe ku wa Gatandatu no ku Cyumweru kizaba kuva saa 14:00 kugeza saa 20:00. Ibi biha abakristo n\u2019abandi bakunzi b\u2019umuziki wa gospel amahirwe yo kwitabira igikorwa mu gihe kiboroheye.<\/p>\n\n\n\n

Himbaza Gospel Fest ni kimwe mu bikorwa byitezweho guhuza abakristo mu mwuka wo kuramya, gusenga no gukomeza kwizera. Himbaza Family Choir na ADEPR Kamuhoza barahamagarira abantu b\u2019ingeri zitandukanye kuzitabira iyi minsi itatu, kugira ngo bifatanye mu guhimbaza Imana no kwakira ubutumwa buzanyuzwa mu ndirimbo, inyigisho n\u2019amasengesho.<\/p>\n\n\n\n

Himbaza Gospel Fest 2026 igiye kuba Ihuriro ry\u2019amakorali, abashumba n\u2019abakunzi b\u2019umuziki wo kuramya no guhimbaza Imana<\/h2>\n\n\n\n
\n