{"id":103384,"date":"2026-09-06T19:55:03","date_gmt":"2026-09-06T19:55:03","guid":{"rendered":"https:\/\/gospeltodaynews.com\/?p=103384"},"modified":"2026-09-06T19:55:06","modified_gmt":"2026-09-06T19:55:06","slug":"love-family-choir-yashyize-hanze-indirimbo-turirimbe-imwe-mu-zizaba-zigize-umuzingo-amateka-ya-yesu","status":"publish","type":"post","link":"https:\/\/gospeltodaynews.com\/?p=103384","title":{"rendered":"Love Family Choir yashyize hanze indirimbo Turirimbe imwe mu zizaba zigize umuzingo Amateka ya Yesu"},"content":{"rendered":"
<\/div>\n

Korali Love Family Choir ikorera umurimo w\u2019Imana muri ADEPR Nduba, Paruwasi ya Gasabo mu Mujyi wa Kigali, yatangiye ubutumwa bwiza ishyira hanze indirimbo nshya yise \u201cTuririmbe\u201d<\/strong>, ibaye iya mbere mu zizaba zigize umuzingo wayo mushya witwa \u201cAmateka ya Yesu\u201d<\/strong>.<\/p>\n\n\n\n

\u201cTuririmbe\u201d ni indirimbo yibanda ku guhimbaza no gushimira Imana ku bw\u2019imirimo yayo mu buzima bw\u2019abayizera, inibutsa abakristo ko ibyo Imana ibakorera bikwiye kuba ubuhamya bayisangiza abandi.<\/p>\n\n\n\n

Muri iyi ndirimbo, Love Family Choir iraririmba iti: \u201cKu bw\u2019imirimo yawe udukorera, turi ubuhamya bugenda,\u201d amagambo agaragaza umutima w\u2019indirimbo wo guhamya ineza y\u2019Imana no kuyishimira ibyo yakoreye abayizera.<\/p>\n\n\n\n

Iyi ndirimbo yakozwe mu buryo bwa Live Recording, ikaba ari intambwe ya mbere mu gusohora umuzingo \u201cAmateka ya Yesu\u201d, uzaba ugizwe n\u2019indirimbo umunani. Uyu muzingo ugamije gukomeza kwamamaza Yesu Kristo no kugeza ku bantu ubutumwa bw\u2019agakiza binyuze mu muziki.<\/p>\n\n\n\n

Love Family Choir yaherekeje isohoka ry\u2019iyi ndirimbo n\u2019umurongo wo muri Bibiliya wo muri Zaburi 95:1<\/strong>, ugira uti: \u201cNimuze turirimbire Uwiteka, tuvugirize impundu igitare cy\u2019agakiza kacu.\u201d<\/em><\/p>\n\n\n\n

Turirimbe ntigamije kuba indirimbo yo kwishimisha gusa, ahubwo ni ubutumwa bwo gutera abantu umwete wo guhimbaza Imana no kwemera kuba abahamya b\u2019imirimo yayo mu buzima bwabo.<\/p>\n\n\n\n

\u00a0Turirimbe yamaze gushyirwa ku mbuga zitandukanye z\u2019ikoranabuhanga, aho abakunzi b\u2019umuziki wa Gospel bashobora kuyumva no kuyisangiza abandi. Mu z\u2019ingenzi harimo YouTube Channel ya Love Family Choir Abanyamugisha, ndetse n\u2019izindi mbuga nkoranyambaga.<\/p>\n\n\n\n

Isohoka ry\u2019iyi ndirimbo ni intangiriro y\u2019urugendo rwa Love Family Choir rwo gusangiza abakunzi b\u2019umuziki ubutumwa buri mu ndirimbo umunani zizaba zigize \u201cAmateka ya Yesu\u201d, umuzingo wibanda ku buzima, umurimo n\u2019ubutumwa bwa Yesu Kristo.<\/p>\n\n\n\n

\n