{"id":103720,"date":"2026-10-06T05:03:35","date_gmt":"2026-10-06T05:03:35","guid":{"rendered":"https:\/\/gospeltodaynews.com\/?p=103720"},"modified":"2026-10-06T05:03:38","modified_gmt":"2026-10-06T05:03:38","slug":"aime-frank-agiye-kwitabira-igitaramo-cyububyutse-budasanzwe-muri-arizona-kizahuza-abaramyi-4-babanyarwanda","status":"publish","type":"post","link":"https:\/\/gospeltodaynews.com\/?p=103720","title":{"rendered":"Aime Frank agiye kwitabira igitaramo cy’ububyutse budasanzwe muri Arizona kizahuza abaramyi 4 b’abanyarwanda"},"content":{"rendered":"
<\/div>\n

Aime Frank na Jacques & Kamariza bagiye gutaramira Abanyarwanda n\u2019abakunzi b\u2019umuziki wa Gospel muri ArizonaAbahanzi Nyarwanda b\u2019ibyamamare mu muziki wa Gospel, Aime Frank ndetse n\u2019itsinda rya Jacques & Kamariza, bagiye kongera guhura n\u2019abakunzi babo mu gitaramo cyihariye cyiswe \u201cVoice of Revival Live Concert \u2013 Season 1\u201d, kizabera muri Arizona muri Leta Zunze Ubumwe za Amerika.<\/p>\n\n\n\n

Iki gitaramo giteganyijwe ku Cyumweru tariki ya 29 Ugushyingo 2026, aho aba baramyi bazifatanya n\u2019abandi bakunzi b\u2019umuziki wa Gospel mu ijoro ryahariwe kuramya, guhimbaza no gusangira ubutumwa bwiza binyuze mu muziki. Abategura iki gikorwa bamaze gutangaza itariki, mu rwego rwo gutangira gutegurira abacyitabira.Aime Frank ni umwe mu bahanzi Nyarwanda bakomeje kugaragaza umwihariko mu ndirimbo zo kuramya no guhimbaza.<\/p>\n\n\n\n

Mu bikorwa bye bya vuba harimo indirimbo \u201cNdakwizeye Yesu\u201d, yamamajwe cyane cyane binyuze muri live video yayo, ndetse na \u201cYaratwibutse\u201d, indirimbo yibanda ku kwibutsa abizera ineza n\u2019imbabazi by\u2019Imana.Uyu muramyi kandi yakomeje gusangiza abakunzi be izindi ndirimbo zirimo \u201cUmugisha\u201d na \u201cAmen\u201d, zimwe muri zo zakunzwe mu bakurikiranira hafi umuziki wo kuramya. Kuba akomeje gukora no gushyira hanze ibihangano bishya bituma iki gitaramo gitegerezwamo umwanya wo kumva zimwe mu ndirimbo ze mu buryo bwa live.<\/p>\n\n\n\n

\"\"
Aime Frank na Jacques & Kamariza bagiye gutaramira abakunzi ba Gospel muri Arizona<\/figcaption><\/figure>\n\n\n\n

Ku rundi ruhande, Jacques & Kamariza ni abaramyi bagize izina rikomeye mu muziki wa Gospel w\u2019iki gihe, by\u2019umwihariko kubera indirimbo zabo zirangwa n\u2019ubutumwa bwo kuramya no kwegera Imana. Mu ndirimbo zabo zimaze kumenyekana harimo \u201cNimuze Murebe,\u201d \u201cUmurage,\u201d \u201cNishimiye\u201d ndetse na \u201cNiyerekanwa Indirimbo \u201cNimuze Murebe\u201d yakozwe mu buryo bwa live, ni imwe mu ndirimbo zatumye Jacques & Kamariza bakomeza kugira umubare munini w\u2019ababakurikira. Naho \u201cUmurage\u201d, yakozwe ifite uburyo bw\u2019umuziki wa live kandi ikagira uruhare mu gukomeza kwagura umwimerere w\u2019aba bahanzi mu muziki wo kuramya.Iki gitaramo kandi kibaye mu gihe abahanzi Nyarwanda bakora umuziki wo kuramya Imana bakomeje kwagura ibikorwa byabo hanze y\u2019u Rwanda.<\/p>\n\n\n\n

Mu minsi ishize, hari ibitaramo n\u2019ikorwa ry\u2019umuziki byagiye bihuza abaramyi baba mu Rwanda n\u2019abatuye mu mahanga, bigatanga urubuga rwo gukomeza gukwirakwiza umuziki wa Gospel Nyarwanda ku rwego mpuzamahanga.Guhuriza hamwe Aime Frank na Jacques & Kamariza muri Voice of Revival Live Concert bishobora guha abakunzi babo umwanya wo kongera kubumva kandi imbonankubone, mu gihe aba bahanzi bombi bazwiho uburyo butandukanye bwo kuyobora abantu mu kuramya. Biteganyijwe ko indirimbo zabo zakunzwe zizagira umwanya ukomeye muri iki gikorwa.<\/p>\n\n\n\n

Abakunzi b\u2019umuziki wa Gospel baba muri Arizona n\u2019ahandi muri Amerika basabwe kuzirikana tariki ya 29 Ugushyingo 2026, kuko ari bwo hazaba iki gitaramo cyiswe Voice of Revival Live Concert \u2013 Season 1. Iki gikorwa gitegerejweho kuba umwanya wo guhuza Abanyarwanda, abakunzi ba Gospel ndetse n\u2019abaramyi, binyuze mu muziki, kuramya no guhimbaza Imana.<\/p>\n\n\n\n

\n