{"id":103895,"date":"2026-10-15T05:18:05","date_gmt":"2026-10-15T05:18:05","guid":{"rendered":"https:\/\/gospeltodaynews.com\/?p=103895"},"modified":"2026-10-15T05:18:54","modified_gmt":"2026-10-15T05:18:54","slug":"umuramyi-bosco-nshuti-agiye-kwerekeza-mu-bubiligi-mu-gitaramo-ihumure","status":"publish","type":"post","link":"https:\/\/gospeltodaynews.com\/?p=103895","title":{"rendered":"Umuramyi Bosco Nshuti agiye kwerekeza mu Bubiligi mu gitaramo Ihumure"},"content":{"rendered":"
<\/div>\n

Umuramyi Bosco Nshuti uri mu bazwi cyane mu muziki wo kuramya no guhimbaza Imana mu Rwanda, ari mu bahanzi batangajwe ko bazitabira igitaramo giteganyijwe kubera mu Bubiligi mu kwezi k\u2019Ukwakira 2026.<\/p>\n\n\n\n

Iki gitaramo gifite insanganyamatsiko igira iti \u201cLa gu\u00e9rison des \u00e2mes, la saison de gr\u00e2ce r\u00e9pandue\u201d, bisobanuye gukira kw\u2019imitima no gusakara kw\u2019ibihe by\u2019ubuntu.Iki gitaramo cyateguwe hagamijwe guhuriza hamwe abakunda kuramya no guhimbaza Imana, kikaba umwanya wo gusengera hamwe, gukomeza kwizera no guhembura imitima binyuze mu ndirimbo n\u2019ijambo ry\u2019Imana.<\/p>\n\n\n\n

kizitabirwa n\u2019abaramyi n\u2019amatsinda atandukanye yo mu bihugu birimo u Rwanda, u Bufaransa, u Bubiligi n\u2019ibindi.Bosco Nshuti ni umwe mu baramyi nyarwanda bamaze kubaka izina binyuze mu ndirimbo zifite ubutumwa bw\u2019ihumure, urukundo rw\u2019Imana no gushishikariza abantu kuyiringira. Mu myaka amaze mu muziki wa Gospel, yamenyekanye nk\u2019umuhanzi, n\u2019umuhimbyi w\u2019indirimbo zifasha abantu kwegera Imana no gukomeza ukwizera kwabo.Mu ndirimbo ze zakunzwe harimo \u201cInshuti y\u2019Umutima\u201d, \u201cNi Muri Yesu\u201d, \u201cMwuka Wera\u201d, \u201cNi Yesu\u201d, \u201cYanyuzeho\u201d na \u201cInkuru y\u2019Urukundo\u201d.<\/p>\n\n\n\n

Izi ndirimbo zigaragaza ubutumwa bw\u2019ihumure, gushima Imana no kwibutsa abakristo ko bashobora kuyiringira mu bihe bitandukanye by\u2019ubuzima.Bosco Nshuti kandi yamenyekanye binyuze mu mishinga ye y\u2019indirimbo zirimo \u201cIbyo Ntunze\u201d, ndetse no mu bitaramo byo kuramya no guhimbaza Imana yagiye akora. Yagiye agaragara mu bikorwa bitandukanye by\u2019umuziki wa Gospel, aho anafatanya n\u2019abandi baramyi kugira ngo ubutumwa bwiza bukomeze kugera ku bantu benshi.Mu gitaramo \u201cIHumure\u201d, Bosco Nshuti azaba ari kumwe n\u2019abandi bahanzi barimo Tonzi, Jado, Cedric, Don Divin, Jean de Dieu na Elysee, Kuba hateganyijwe abaramyi baturuka mu bihugu bitandukanye bigaragaza intego yo guhuza abakristo binyuze mu kuramya no guhimbaza Imana, hatitawe ku mipaka y\u2019ibihugu.Iki gitaramo kandi kizagaragaramo itsinda rya Jaspe Worship Team, hamwe n\u2019amatsinda ya Weakens yo mu Bubiligi na Life Center Worship.<\/p>\n\n\n\n

\u201cIhumure\u201dBosco Nshuti n\u2019abandi baramyi bagiye guhurira mu gitaramo gikomeye i Burayi<\/h2>\n\n\n\n

Uruhurirane rw\u2019abaramyi n\u2019amatsinda ruzatanga umwanya wo kuramya Imana mu buryo butandukanye, binyuze mu ndirimbo n\u2019umuziki w\u2019uburyo bwinshi.Insanganyamatsiko y\u2019iki gitaramo ishingiye ku murongo wo muri Yesaya 61:1-2, uvuga ubutumwa bwiza ku bakene, guhumuriza abafite imitima imenetse no gutangaza umwaka w\u2019imbabazi z\u2019Uwiteka. Ubu butumwa buhuye n\u2019intego y\u2019abateguye iki gikorwa yo gutanga ihumure no gukomeza imitima y\u2019abazacyitabira binyuze mu kuramya no gusenga.Kwitabira iki gitaramo kwa Bosco Nshuti ni indi ntambwe mu gukomeza kugeza umuziki wa Gospel nyarwanda ku bakunzi bawo baba hanze y\u2019u Rwanda. Mu gihe ibikorwa byo kuramya no guhimbaza Imana bikomeje guhuza abantu bo mu bihugu bitandukanye igitaramo \u201cIhumure\u201d na cyo gitegerejweho kuba umwanya wo gusangira ukwizera, kwakira ihumure no guhemburwa binyuze mu ndirimbo zihimbaza Imana.<\/p>\n\n\n\n

\"\"<\/figure>\n\n\n\n
\n