{"id":103902,"date":"2026-10-16T14:48:24","date_gmt":"2026-10-16T14:48:24","guid":{"rendered":"https:\/\/gospeltodaynews.com\/?p=103902"},"modified":"2026-10-16T14:48:27","modified_gmt":"2026-10-16T14:48:27","slug":"pasiteri-didier-habimana-na-rev-dr-antoine-rutagisire-mu-bazigisha-muri-nezeza-ijuru-conference-2026","status":"publish","type":"post","link":"https:\/\/gospeltodaynews.com\/?p=103902","title":{"rendered":"Pasiteri Didier Habimana na Rev. Dr. Antoine Rutagisire mu bazigisha muri Nezeza Ijuru Conference 2026"},"content":{"rendered":"
<\/div>\n

Zion Temple yatangaje amatariki ya Nezeza Ijuru Conference 2026 izahuza abakirisitu mu minsi itanu Zion Temple Community Church yatangaje ko riri gutegura igiterane gikomeye cyo kuramya Imana no guhembura imitima, cyiswe Nezeza Ijuru Conference 2026, kizaba kuva ku wa 28 Ukwakira kugeza ku wa 1 Ugushyingo 2026, kibere kuri Zion Temple Community Church i Gatenga mu Mujyi wa Kigali.Iki giterane kizaba gifite insanganyamatsiko igira iti \u201cThe Seed Within: Christ Revealed\u201d, Iyi nsanganyamatsiko izibanda ku kumenya Kristo, kumwimakaza mu mibereho ya buri munsi no gusobanukirwa n’ubuzima bushya abizera bahabwa binyuze mu kwizera.<\/p>\n\n\n\n

Nezeza Ijuru Conference ni kimwe mu bikorwa by’ivugabutumwa bigamije gufasha abakirisitu gukura mu kwizera, kurushaho kwegera Imana no kongera imbaraga mu rugendo rwabo rwa gikristo. Biteganyijwe ko iki giterane kizaba umwanya wo gusenga, kwigishwa Ijambo ry’Imana no gusangira ubutumwa bw’ihumure n’ibyiringiro.Mu bazigisha Ijambo ry’Imana muri iki giterane harimo Pasiteri Didier Habimana, Rev. Dr. Antoine Rutagisire, Pasiteri Floribert Nzabakira na Pasiteri Jimmy Muyango. Aba bakozi b’Imana bazagira uruhare mu gutanga inyigisho zifasha abazitabira kurushaho gusobanukirwa n’ubutumwa buri mu nsanganyamatsiko y’uyu mwaka.<\/p>\n\n\n\n

\"\"
Nezeza ijuru 2026<\/figcaption><\/figure>\n\n\n\n

Nk’uko bigaragara ku itangazo ry’iki giterane, gahunda izatangira ku wa 28 no ku wa 29 Ukwakira 2026, aho hazaba amateraniro yo ku wa Gatatu no ku wa Kane atangira saa kumi n’imwe z’umugoroba. Ku wa Gatanu, tariki ya 30 Ukwakira, hazaba iteraniro ry’ijoro rizatangira saa tatu z’ijoro.Ku wa 31 Ukwakira no ku wa 1 Ugushyingo 2026, hazaba amateraniro yo ku wa Gatandatu no ku Cyumweru azatangira saa kumi z’amanywa. Iyi gahunda izatuma abazitabira babona umwanya wo gukurikirana ibikorwa bitandukanye byateguwe muri iyi minsi itanu, birimo inyigisho n’ibikorwa byo kuramya no guhimbaza Imana.Abategura Nezeza Ijuru Conference 2026 batangaje ko kwinjira bizaba ari ubuntu, bityo abakirisitu n’abandi bose bifuza kwitabira bakazahabwa amahirwe yo kugera kuri iki giterane nta kiguzi cyo kwinjira bishyuye.<\/p>\n\n\n\n

Kuba ari ubuntu bishobora gutuma abantu benshi bitabira, bagafatanya mu gusenga no kwakira inyigisho zizabafasha mu mibereho yabo ya gikristo.Iki giterane kizaba mu gihe amatorero atandukanye akomeje gutegura ibiterane n’ibikorwa bigamije kongera imbaraga mu ivugabutumwa no guhuza abakirisitu. Nezeza Ijuru Conference 2026 itegerejweho kuba umwanya wihariye wo gushimangira ukwizera, kugaragaza Kristo no gufasha abazitabira kurushaho gukura mu mibanire yabo n’Imana.<\/p>\n\n\n\n

\n