{"id":103967,"date":"2026-10-21T16:36:08","date_gmt":"2026-10-21T16:36:08","guid":{"rendered":"https:\/\/gospeltodaynews.com\/?p=103967"},"modified":"2026-10-21T16:36:12","modified_gmt":"2026-10-21T16:36:12","slug":"umuvugabutumwa-pierre-celestin-uwiringiyimana-agiye-kumurika-igitabo-cya-mbere-yise-inyigisho-ku-gakiza","status":"publish","type":"post","link":"https:\/\/gospeltodaynews.com\/?p=103967","title":{"rendered":"Umuvugabutumwa Pierre Celestin Uwiringiyimana agiye kumurika igitabo cya mbere yise \u201cInyigisho ku Gakiza\u201d"},"content":{"rendered":"
<\/div>\n

Pierre Celestin Uwiringiyimana agiye kumurika igitabo \u201cInyigisho ku Gakiza\u201dUmuvugabutumwa n\u2019umwigisha w\u2019Ijambo ry\u2019Imana, Pierre Celestin Uwiringiyimana, agiye kumurika igitabo yise \u201cInyigisho ku Gakiza\u201d, cyibanda ku nyigisho za Bibiliya zisobanura uko umuntu abona agakiza binyuze muri Yesu Kristo. <\/p>\n\n\n\n

Iki gitabo kigamije gufasha abakristo n\u2019abandi bose bifuza kumenya ukuri kwa Bibiliya kurushaho gusobanukirwa igikorwa cy\u2019agakiza, uruhare rw\u2019ukwizera n\u2019uburyo umuntu akwiriye kubaho amaze kwakira Yesu Kristo nk\u2019Umwami n\u2019Umukiza we.Umuhango wo kumurika iki gitabo uteganyijwe ku Cyumweru, tariki ya 22 Ugushyingo 2026, ukazabera muri ADEPR Ntora, ahazwi nka Dove Hotel i Kigali. Ibikorwa bizatangira saa yine za mu gitondo, birimo ibihe byo kuramya no guhimbaza Imana bizayoborwa na Ntora Worship Team, bikurikirwe n\u2019umuhango wo kumurika igitabo uzageza saa munani z\u2019amanywa. Sn. Pst. Ndayizeye Isaie ni we uzatanga ijambo ry\u2019ibanze, mu gihe umwanditsi na we azageza ku bazitabira ubutumwa bwihariye bushingiye ku gitabo cye.<\/p>\n\n\n\n

Pierre Celestin Uwiringiyimana yavukiye mu Rwanda mu 1990, akurira mu Itorero rya ADEPR, aho yatangiye kumenya Imana no gukunda umurimo wayo. Muri 2008, yakiriye Yesu Kristo nk\u2019Umwami n\u2019Umukiza we, naho kuva muri 2015, ubwo yari amaze guhabwa inshingano z\u2019ubudiyakoni, akomeza gukura mu murimo w\u2019Imana binyuze mu ivugabutumwa, kwigisha Ijambo ry\u2019Imana no gufasha abandi gukomera mu kwizera. Ibi ni byo byamubereye imwe mu nkingi z\u2019ubuzima bwe bw\u2019umwuka n\u2019icyifuzo cyo gufasha abandi gusobanukirwa inyigisho z\u2019ukuri kwa Bibiliya.Mu rwego rw\u2019amashuri, afite impamyabumenyi y\u2019icyiciro cya mbere cya kaminuza mu burezi, mu ndimi z\u2019Icyongereza n\u2019Igifaransa, yakuye muri Kaminuza y\u2019u Rwanda. Yize kandi iby\u2019ivugabutumwa muri Tyrannus Missionary School, ndetse ahabwa inyigisho n\u2019amahugurwa ya Bibiliya muri National Theological College and Graduate School yo muri Leta Zunze Ubumwe za Amerika.<\/p>\n\n\n\n

\"\"
\u201cInyigisho ku Gakiza\u201d: Igitabo gishya kigiye gufasha abakristo gusobanukirwa agakiza<\/figcaption><\/figure>\n\n\n\n

Muri 2026, yarangije icyiciro cya Post graduate mu bya Tewolojiya n\u2019Ubuyobozi muri Africa College of Theology i Kigali, aho akomeje amasomo y\u2019icyiciro cya kabiri cya kaminuza mu bya Tewolojiya (Master of Arts in Theology).Igitabo \u201cInyigisho ku Gakiza\u201d cyibanda ku kibazo cy\u2019ingenzi kigira kiti: \u201cUmuntu akizwa ate?\u201d Umwanditsi agaragaza inyigisho zifasha abasomyi gusobanukirwa niba agakiza kabonerwa mu mirimo myiza, uruhare rwo kwizera, icyo Imana yakoze binyuze ku rupfu rwa Yesu Kristo n\u2019uburyo umukristo ashobora kugira icyizere cy\u2019agakiza ke. Anasobanura inyigisho zirimo kwihana, kwizera, gucungurwa, kubabarirwa ibyaha, kwiyunga n\u2019Imana, gutsindishirizwa, kuvuka ubwa kabiri, kwezwa no guhinduka umwana w\u2019Imana, agaragaza n\u2019uko uwakiriye agakiza akwiriye kubaho yumvira Imana kandi yera imbuto nziza.Pierre Celestin Uwiringiyimana avuga ko intego ye atari uguha abantu ubumenyi bw\u2019amadini gusa, ahubwo ari ukubafasha gusobanukirwa ibyo Imana yabakoreye muri Yesu Kristo no kubaho bahuje n\u2019ukuri kw\u2019Ijambo ryayo. Yifuza ko iki gitabo, cyasohotse bwa mbere mu Kinyarwanda, cyazahindurwa mu Cyongereza bitarenze umwaka wa 2027 kugira ngo kigere ku bantu benshi mu Rwanda no mu mahanga. <\/p>\n\n\n\n

Yatangaje kandi ko afite ibindi bitabo bitatu yamaze gutegura, yifuza gusohora mu myaka iri imbere, bigamije gufasha urubyiruko, abanyeshuri, abayobozi b\u2019amatorero n\u2019abandi bakristo gukura mu bumenyi bw\u2019Ijambo ry\u2019Imana.Uyu muvugabutumwa, we n\u2019umuryango we biyemeje gukorera Imana mu Rwanda no mu mahanga, asaba abakristo n\u2019abandi bose bazitabira umuhango wo kumurika igitabo cye kumushyigikira mu masengesho no mu bikorwa bigamije kwagura uyu mushinga w\u2019ibitabo no gukomeza amasomo ye ya Tewolojiya. Yifuza ko \u201cInyigisho ku Gakiza\u201d itazaba igitabo gisomwa gusa, ahubwo izaba igikoresho gifasha abantu gusobanukirwa neza agakiza kabonerwa muri Yesu Kristo no gukomeza gukura mu kwizera.<\/p>\n\n\n\n

Pierre Celestin Uwiringiyimana agiye kumurika igitabo \u201cInyigisho ku Gakiza\u201d<\/h2>\n\n\n\n
\"\"<\/figure>\n\n\n\n
\"\"<\/figure>\n\n\n\n
\n