{"id":103989,"date":"2026-10-22T20:31:14","date_gmt":"2026-10-22T20:31:14","guid":{"rendered":"https:\/\/gospeltodaynews.com\/?p=103989"},"modified":"2026-10-22T20:31:18","modified_gmt":"2026-10-22T20:31:18","slug":"jackiem-utuye-mu-bwongereza-numuryango-we-yagaragaje-ko-nubwo-imana-ifite-ububasha-bwo-guca-imanza-no-kugaragaza-imbaraga-zayo-ihitamo-kubabarira-kwihanganira-intege-nke-zabantu-n","status":"publish","type":"post","link":"https:\/\/gospeltodaynews.com\/?p=103989","title":{"rendered":"JackieM yashyize hanze indirimbo nshya yibutsa abantu impuhwe n\u2019imbabazi z\u2019Imana"},"content":{"rendered":"
<\/div>\n

Umuhanzikazi JackieM uri mu barambye mu muziki wo kuramya no guhimbaza Imana, yashyize hanze indirimbo nshya yise \u201cIbyo Nkuziho\u201d, ivuga ku mpuhwe z\u2019Imana, imbabazi zayo n\u2019urukundo rwayo.<\/strong><\/p>\n\n\n\n

JackieM utuye mu Bwongereza n\u2019umuryango we, yagaragaje ko nubwo Imana ifite ububasha bwo guca imanza no kugaragaza imbaraga zayo, ihitamo kubabarira, kwihanganira intege nke z\u2019abantu no kubarwanirira mu ntambara zitandukanye bahura na zo.<\/p>\n\n\n\n

Muri iyi ndirimbo nshya yise “Ibyo Nkuziho”, yumvikanisha ko ibyiza Imana ikora bidashingira ku kuba umuntu ari mwiza kurusha abandi, ahubwo ko bishingiye ku rukundo rwayo rudatoranya.<\/p>\n\n\n\n

Mu magambo agize iyi ndirimbo, uyu muhanzikazi aririmba agira ati: \u201cIbyo nkuziho ni ibyiza gusa, ibigwi n\u2019ubutwari ni byo birango byawe, kandi impuhwe n\u2019imbabazi ni byo byuzuye mu migirire yawe.\u201d<\/p>\n\n\n\n

Aya magambo ni yo agaragaza neza igitekerezo nyamukuru cy\u2019iyi ndirimbo, aho agaragaza Imana nk\u2019isoko y\u2019ineza, impuhwe n\u2019imbabazi.<\/p>\n\n\n\n

Ati: \u201cYesu Mukiza ufite umutima ikiremwa muntu kitasobanukirwa, iyo kurakara biba bikorohera ubu nari kuba ndi ahacecekerwa, ni njye rugero n\u2019umusaruro wavuye mu mbaraga z\u2019imbabazi zawe.\u201d<\/p>\n\n\n\n

\u201cIbyo Nkuziho\u201d yanditswe na Niyo Bosco afatanyije na JackieM. Amajwi yayo yakozwe na Popiyeeh, naho amashusho ayoborwa ndetse atungangwa na Brilliance.<\/p>\n\n\n\n

Mu gutunganya umuziki w\u2019iyi ndirimbo, Arsene yacuranze gitari, David acuranga bass guitar, naho Rachel, Dorcas na Gad batanga ubufasha mu majwi aherekeza ay\u2019umuhanzi.<\/p>\n\n\n\n

JackieM [Pastor Jackie Mbabazi Mugabo], ni umunyarwandakazi uba mu Bwongereza n\u2019umuryango we, akaba akorera umurimo w\u2019Imana muri Liberty Christian Fellowship UK.<\/p>\n\n\n\n

Ni Umuyobozi Mukuru w\u2019umuryango w\u2019ubugiraneza Change Life Initiative ukorera mu Bwongereza no mu Rwanda, ndetse akaba ari na we washinze Sisterhood in Christ International Ministries, umuryango ugamije gufatanya n\u2019abagore n\u2019abakobwa mu kwamamaza Ubutumwa Bwiza bwa Yesu Kristo.<\/p>\n\n\n\n

Uretse umuziki, JackieM azwi no mu bikorwa bigamije gufasha abantu batishoboye. Mu myaka yashize, yagiye afasha abarokotse Jenoside yakorewe Abatutsi batuye mu Murenge wa Kinyinya, bamwe akabaha imashini zidoda, imyambaro, ibiribwa n\u2019ibindi bikoresho by\u2019ibanze.<\/p>\n\n\n\n

Mu gihe icyorezo cya COVID-19 cyari cyatumye ibikorwa byinshi bihagarara, abantu bagasabwa kuguma mu ngo mu rwego rwo kukirinda no kukirwanya, JackieM yagize uruhare mu gufasha imiryango yari ifite ikibazo cyo kubona ibitunga umuryango, akusanya inkunga y\u2019ibiribwa kugira ngo igere ku bari mu bihe bikomeye.

KANDA HANO WUMVE INDIRIMBO IBYO NKUZIHO<\/a><\/p>\n\n\n\n

\n