{"id":104071,"date":"2026-10-30T09:44:43","date_gmt":"2026-10-30T09:44:43","guid":{"rendered":"https:\/\/gospeltodaynews.com\/?p=104071"},"modified":"2026-10-30T09:47:13","modified_gmt":"2026-10-30T09:47:13","slug":"twabaye-abana-bimana-ku-bwumusaraba-ubutumwa-bwa-elayo-choir-adepr-gatenga-mu-indirimbo-nshya-yitwa-ndashima-umusaraba","status":"publish","type":"post","link":"https:\/\/gospeltodaynews.com\/?p=104071","title":{"rendered":"\u201cTwabaye abana b\u2019Imana ku bw\u2019umusaraba\u201d ubutumwa bwa Elayo Choir ADEPR Gatenga mu indirimbo nshya yitwa \u201cNdashima Umusaraba\u201d"},"content":{"rendered":"
<\/div>\n

Itsinda Elayo Choir rikorera umurimo w’ivugabutumwa muri ADEPR Gatenga ryashyize hanze indirimbo nshya y’amashimwe yise \u201cNdashima Umusaraba\u201d, igaruka ku gitambo cya Yesu Kristo ku musaraba n’akamaro kacyo mu gucungurwa kw’abanyabyaha. Iyi ndirimbo ni ubutumwa bw’ihumure n’ishimwe bugamije kwibutsa abakristo urukundo Imana yabagaragarije binyuze muri Yesu Kristo.<\/p>\n\n\n\n

\u201cNdashima Umusaraba\u201d ni indirimbo ishingiye ku nyigisho z’ubukristo zigaragaza ko urupfu rwa Yesu Kristo ku musaraba rwabaye inzira yo kubabarirwa ibyaha no kongera kugirana ubumwe n’Imana. Igaragaza ko igitambo cya Kristo gifite agaciro gakomeye mu buzima bw’umwizera, kuko ari cyo cyabaye impamvu yo guhinduka umwana w’Imana.<\/p>\n\n\n\n

Mu butumwa bukubiye muri iyi ndirimbo, Elayo Choir yibanda ku mibabaro Yesu yagize mu gihe cyo gucungura abantu. Igaragaza ko abamwizera bababariwe ibyaha byabaregaga, atari ku bw’imbaraga zabo cyangwa ibikorwa byabo, ahubwo ari ku bw’igitambo cy’umusaraba.Abagize iri tsinda bashimangira ko binyuze ku rupfu rwa Yesu Kristo, abantu bahawe amahirwe yo kongera kwegerana n’Imana no kwitwa abana bayo.<\/p>\n\n\n\n

\"\"
Elayo Choir yashyize hanze indirimbo nshya \u201cNdashima Umusaraba\u201d yibutsa abantu igitambo cya Yesu<\/figcaption><\/figure>\n\n\n\n

Ni ubutumwa bugaragaza ko agakiza ari impano ituruka ku rukundo rw’Imana, aho umusaraba uhagarariye igikorwa gikomeye cy’ubugingo n’imbabazi ku bantu.Elayo Choir isanzwe izwi mu muziki wo kuramya no guhimbaza Imana, aho ikoresha indirimbo zishingiye ku Ijambo ry’Imana mu kugeza ubutumwa bwiza ku bantu batandukanye. Mu ndirimbo zagiye ziyimenyekanisha harimo \u201cMu Cyari\u201d, indirimbo ifite amashusho agaragaza itorero nk’ahantu h’ubuhungiro.Mu zindi ndirimbo zayo zizwi harimo \u201cUri Imana\u201d, indirimbo yo kuramya Imana mu buryo bw’ubuhamya n’ibyiringiro, ndetse na \u201cNtayindi Mana Yera\u201d, ishimangira ubwere bw’Imana. Izi ndirimbo zagiye zigaragaza uburyo iri tsinda ryibanda ku butumwa bwo guhimbaza Imana no guhamagarira abantu kuyiringira.Elayo Choir ifite kandi izindi ndirimbo nka \u201cIturinze\u201d na \u201cIsezerano\u201d, zagaragaje umwihariko wayo mu guhuza amajwi no gutanga ubutumwa binyuze mu muziki wa korali.<\/p>\n\n\n\n

Izi ndirimbo zayifashije gukomeza kumenyekana mu bakunda indirimbo zo kuramya no guhimbaza Imana, mu gihe ikomeje kwagura umurimo wayo w’ivugabutumwa.Mu butumwa NDEREKANYE Francois umuyobozi wiyi chorale ahamya ko Binyuze muri \u201cNdashima Umusaraba\u201d, Elayo Choir yongeye kwibutsa abakunzi b’umuziki wa Gospel ko umusaraba wa Yesu Kristo ari wo shingiro ry’agakiza k’Abakristo. Iyi ndirimbo irahamagarira abayumva kuzirikana igitambo cya Kristo, kumushimira ku rukundo yabagaragarije no gukomeza kubaho mu kwizera, bashingiye ku mbabazi bahawe binyuze muri we.<\/p>\n\n\n\n

\n