{"id":104087,"date":"2026-10-30T20:03:10","date_gmt":"2026-10-30T20:03:10","guid":{"rendered":"https:\/\/gospeltodaynews.com\/?p=104087"},"modified":"2026-10-30T20:03:13","modified_gmt":"2026-10-30T20:03:13","slug":"yves-rwagasore-yashyize-hanze-indirimbo-nizeye-ishingiye-ku-buhamya-bwe","status":"publish","type":"post","link":"https:\/\/gospeltodaynews.com\/?p=104087","title":{"rendered":"Yves Rwagasore yashyize hanze indirimbo Nizeye ishingiye ku buhamya bwe"},"content":{"rendered":"
<\/div>\n

Umuhanzi w\u2019indirimbo zo kuramya no guhimbaza Imana, Yves Rwagasore uba muri Canada, yashyize hanze indirimbo nshya yise Nizeye, avuga ko yayanditse ashingiye ku buhamya bw\u2019ibyo Imana yamukoreye mu buzima bwe, ndetse n\u2019amasezerano yayihaye akabona asohora.<\/p>\n\n\n\n

Uyu muhanzi avuga ko iyi ndirimbo igamije gukomeza abantu banyura mu bihe bikomeye, kubibutsa ko bakwiye gukomeza kwiringira Imana no kwihangana, kuko isohoza ibyo yasezeranyije.<\/p>\n\n\n\n

Yves Rwagasore asobanura ko Nizeye atari indirimbo yanditse agamije kuririmba gusa, ahubwo ari igihangano gikubiyemo ubuhamya bw\u2019ibyo yanyuzemo, ibyamugoye ndetse n\u2019uburyo yabonye Imana ikora mu buzima bwe.<\/p>\n\n\n\n

Ubwo yaganiraga n\u2019itangazamakuru yasobanuye impamvu yahisemo kwita iyi ndirimbo Nizeye, ubutumwa ayifuriza abazayumva n\u2019ibindi bikorwa afite muri gahunda z\u2019ivugabutumwa.<\/p>\n\n\n\n

Yves Rwagasore yavuze ko indirimbo Nizeye yayanditse ashingiye ku byo Imana yamukoreye mu gihe cy\u2019imyaka myinshi, aho yagiye ahura n\u2019ibintu byasaga n\u2019ibigoye ariko nyuma akabona Imana ibikuraho.<\/p>\n\n\n\n

Ati: \u201cNizeye yaje mu buryo bw\u2019ubuhamya. Ni indirimbo nanditse ishingiye ku byo Imana yankoreye. Nyuma y\u2019imyaka myinshi, uwabibara ntiyabishobora. Hari ibyo nabonaga bigoye ariko Imana ikabikuraho. Amasezerano menshi yarasohoye, andi na yo nizeye ko azasohora.\u201d<\/p>\n\n\n\n

Yavuze ko ubutumwa nyamukuru buri muri iyi ndirimbo ari ugukomeza abantu no kubibutsa ko bakwiye gukomeza kwiringira Imana, kuko isohoza ibyo yavuze.<\/p>\n\n\n\n

Yongeyeho ko kwihangana no gutegereza ari ingenzi mu rugendo rwo kwizera, kuko amasezerano y\u2019Imana ashobora gusohora nubwo umuntu yaba yarategereje igihe kirekire.<\/p>\n\n\n\n

Uyu muhanzi yavuze ko izina Nizeye igisobanuro gikomeye mu buzima bwe, kuko rimwibutsa ko akwiriye kubaho yiringira Imana kandi adashidikanya ku bushobozi bwayo.<\/p>\n\n\n\n

Ati: \u201cIzina Nizeye rifite igisobanuro gikomeye mu buzima bwanjye; ko nkwiriye kubaho nizeye Imana kuko ntishidikanywaho, ikora icyo yavuze kandi ntishobora kwivuguruza.\u201d<\/p>\n\n\n\n

Yasobanuye ko ibyo aririmba muri iyi ndirimbo ari ubuhamya bushingiye ku byo Imana ikomeza kumukorera buri munsi, ndetse n\u2019ibyo yari yarayisezeranyije mu bihe byashize ikaza kubisohoza.<\/p>\n\n\n\n

Kuri we, iyi ndirimbo ni uburyo bwo kugaragaza ko kwizera Imana bidakwiye gushingira gusa ku byo umuntu arimo kubona muri ako kanya, ahubwo ko bikwiye no gushingira ku byo yabonye Imana imukorera mu bihe byatambutse.<\/p>\n\n\n\n

Yves Rwagasore yavuze ko yifuza ko umuntu wese uri mu bihe bikomeye cyangwa wacitse intege azumva \u201cNizeye\u201d akabona imbaraga zo gukomeza urugendo rwe rwo kwizera.<\/p>\n\n\n\n

Yifuza ko abazayumva bazayigiramo ibyiringiro byo gukomeza kwiringira Imana, kabone nubwo baba banyura mu bihe bitoroshye cyangwa batarabona ibisubizo by\u2019ibyo bayisaba.<\/p>\n\n\n\n

Ati: \u201cUmuntu uri mu bihe bikomeye cyangwa wacitse intege, Nizeye yongere imubere inkomezi, ibyiringiro byo gukomeza kugirira Imana icyizere yonyine, kuko ari yo umuntu yizera ntimukoze isoni kandi byose irabishoboye kubikora izabikora. Kwizera Imana ni urufunguzo rukingura imigisha yacu.\u201d<\/p>\n\n\n\n

Yavuze ko yifuza ko ubutumwa buri muri iyi ndirimbo bwagera ku bantu benshi, bukabafasha gukomeza kugira ibyiringiro no kutadohoka mu kwizera kwabo.<\/p>\n\n\n\n

Yves Rwagasore yavuze ko gutegura indirimbo bisaba imbaraga n\u2019ubwitange mu byiciro bitandukanye, kuva igitekerezo cyayo gitangiye kugeza igihangano gisohotse.<\/p>\n\n\n\n

Yasobanuye ko ari ngombwa kudashyira amarangamutima y\u2019umuntu imbere, ahubwo akemera kuyoborwa n\u2019Umwuka Wera kugira ngo ubutumwa arimo gutegura bugere ku bo bugenewe.<\/p>\n\n\n\n

Ati: \u201cGutegura indirimbo bisaba imbaraga mu buryo bunyuranye. Kuva umushinga wayo utangiye, kimwe n\u2019izindi zose, bigusaba kudashyira amarangamutima yawe imbere, ukumvira Umwuka Wera ko akuyobora, kuko ubwo butumwa uba wahawe buba bufite umuntu runaka bugenewe.\u201d<\/p>\n\n\n\n

Yongeyeho ko mu rugendo rwo gutegura indirimbo ahura n\u2019imbogamizi zitandukanye, ariko ko bisaba kuzihangana no kudacika intege kugeza igihangano kigeze ku rwego rwo gushyirwa hanze.<\/p>\n\n\n\n

Uyu muhanzi yavuze ko iyi ndirimbo ifite umwihariko wayo ugereranyije n\u2019izindi yari yarasohoye, cyane cyane ku buryo yakozwe no ku rwego rw\u2019imicurangire n\u2019itunganywa ry\u2019amajwi.<\/p>\n\n\n\n

Yasobanuye ko Nizeye iri mu buryo bwa live, ikaba ifite umwihariko yifuza ko abakunzi b\u2019umuziki we bazibonera ubwabo.<\/p>\n\n\n\n

Ati: \u201cIcyo abakunzi bakwiye kwitega muri Nizeye ni ubudasa bwayo. Iri mu buryo bwa live kandi ifite umwihariko wayo ugereranyije n\u2019izindi zabanje. Ubona ko urwego rwayo rwazamutse mu buryo bwa production. Ndashishikariza buri wese kuyiha umwanya akayigira iye.\u201d<\/p>\n\n\n\n

Yasabye abakunzi be n\u2019abandi bakunda indirimbo zo kuramya no guhimbaza Imana guha umwanya iki gihangano, bakakumva kandi bakazirikana ubutumwa bukirimo.<\/p>\n\n\n\n

Nubwo yashyize hanze indirimbo Nizeye, Yves Rwagasore yavuze ko ibikorwa bye by\u2019umuziki bikomeje, aho ari no gukora kuri album ye ya gatatu yise Ndakomeje.<\/p>\n\n\n\n

Yavuze ko nyuma y\u2019iyi ndirimbo hari izindi azakomeza gushyira hanze, mu rwego rwo gukomeza kugeza ubutumwa bw\u2019ivugabutumwa ku bantu batandukanye.<\/p>\n\n\n\n

Ati: \u201cNyuma ya Nizeye nzashyira hanze izindi ndirimbo, kuko ndi gukora kuri album ya gatatu (3), ni yo indaje inshinga. Ndakomeje album 3.\u201d<\/p>\n\n\n\n

Yongeyeho ko afite ibikorwa byinshi ateganya gukora mu gihe kiri imbere, birimo gutunganya ibihangano bishya, gukora ibitaramo no gukomeza ivugabutumwa hirya no hino.

KANDA HANO WUMVE INDIRIMBO NIZEYE<\/a><\/p>\n\n\n\n

\n