{"id":104143,"date":"2026-11-04T15:27:55","date_gmt":"2026-11-04T15:27:55","guid":{"rendered":"https:\/\/gospeltodaynews.com\/?p=104143"},"modified":"2026-11-04T15:27:58","modified_gmt":"2026-11-04T15:27:58","slug":"boanerges-gospel-group-yateguje-igitaramo-the-heritage-of-worship-season-4","status":"publish","type":"post","link":"https:\/\/gospeltodaynews.com\/?p=104143","title":{"rendered":"Boanerges Gospel Group yateguje igitaramo \u201cThe Heritage of Worship\u201d Season 4"},"content":{"rendered":"
<\/div>\n

Boanerges Gospel Group yitegura igitaramo \u201cThe Heritage of Worship\u201d Season 4Boanerges Gospel Group, itsinda ry\u2019abaramyi bakorera muri Bethesda Holy Church ku Gisozi mu Mujyi wa Kigali, rikomeje kwagura umurimo wo kuramya no guhimbaza Imana binyuze mu ndirimbo n\u2019ibitaramo byagutse. <\/p>\n\n\n\n

Iri tsinda ryamaze kumenyekana mu muziki wa Gospel mu Rwanda, bitewe n\u2019uburyo rihuza amajwi meza, injyana zitandukanye n\u2019ubutumwa bwubaka imitima y\u2019abakunzi b\u2019umuziki wa gikristo.Mu itangazo ryashyizwe ahagaragara, Boanerges Gospel Group yatangaje ko iri kwitegura igitaramo gikomeye cyiswe \u201cThe Heritage of Worship\u201d Season 4, kizaba ku Cyumweru tariki ya 22 Ugushyingo 2026, muri Bethesda Holy Church i Gisozi. Iki gitaramo kizatangira saa cyenda z\u2019amanywa kugeza saa moya z\u2019umugoroba, kikaba kigamije guhuriza hamwe abakunzi b\u2019amasengesho n\u2019abifuza guhimbaza Imana.Iki gitaramo kizayoborwa mu buryo bw\u2019ivugabutumwa na Pastor Jackson. <\/p>\n\n\n\n

Abategura iki gikorwa bagaragaje ko ari umwanya wo gusengera hamwe, kuramya Imana no kongera guhuza abakristo binyuze mu ndirimbo n\u2019ubutumwa bwiza.Boanerges Gospel Group yashinzwe tariki ya 24 Ukwakira 2004 na Niwemugeni Albine, uzwi nka Sarah. Iri tsinda ryatangiriye ku baririmbyi bari hagati ya 15 na 20, ariko uko imyaka yagiye ihita rikomeza kwaguka, kugeza ubu rikaba rifite abaririmbyi n\u2019abanyamuryango barenga 65 bakora umurimo waryo.Izina Boanerges rikomoka mu Ivanjili ya Mariko 3:17, aho risobanura \u201cAbana b\u2019Inkuba\u201d.<\/p>\n\n\n\n

\"\"
Boanerges Gospel Group yateguye igitaramo \u201cThe Heritage of Worship\u201d Season 4, kizitabirwa na Pastor Jackson<\/figcaption><\/figure>\n\n\n\n

Mu muziki waryo, iri tsinda rizwiho guhuza imiririmbire ya korali ishingiye ku majwi ahuza neza n\u2019injyana zigezweho, umuziki nyafurika wo kuramya no guhimbaza Imana, bigatuma ibitaramo byaryo birangwa n\u2019imbaraga n\u2019uburyohe bwihariye.Mu ndirimbo zakoze ku mitima y\u2019abakunzi ba Boanerges Gospel Group harimo \u201cNtawamenya\u201d, \u201cHumura\u201d, \u201cIjwi\u201d, \u201cUhimbazwe Iteka\u201d na \u201cAmashimwe\u201d. Indirimbo \u201cHumura\u201d ifite ubutumwa bwo guhumuriza abantu, ishingiye ku murongo wo muri Yesaya 50:7, mu gihe \u201cIjwi\u201d ari imwe mu ndirimbo zigaragaza ubushobozi bw\u2019iri tsinda mu kuramya Imana mu buryo bwimbitse.<\/p>\n\n\n\n

Izi ndirimbo ziboneka ku mbuga zitandukanye zicishwaho umuziki, zirimo YouTube, Audiomack na SoundCloud.\u201cThe Heritage of Worship\u201d ni kimwe mu bikorwa by\u2019ingenzi Boanerges Gospel Group imaze kumenyekaniraho, aho ihuriza hamwe abakristo mu bihe byo kuramya no guhimbaza Imana. Iki gitaramo kigiye kuba mu gihe amakorali n\u2019amatsinda ya Gospel mu Rwanda akomeje gutegura ibikorwa binini by\u2019ivugabutumwa, bigamije kugeza ubutumwa bwiza ku bantu benshi no gukomeza kubaka umuco wo guhimbaza Imana.Boanerges Gospel Group ikomeje gukoresha imbuga nkoranyambaga, cyane cyane YouTube, mu gusangiza abakunzi bayo indirimbo, amashusho y\u2019ibitaramo n\u2019ibikorwa by\u2019umurimo w\u2019ivugabutumwa. Abifuza amakuru arambuye ku gitaramo \u201cThe Heritage of Worship\u201d Season 4 bashobora gukurikirana imbuga z\u2019iri tsinda cyangwa bakifashisha nimero ya telefoni, +250 788 253 673.<\/p>\n\n\n\n

Kuva ku baririmbyi 20 kugeza ku barenga 65: Urugendo rwa Boanerges Gospel Group mu myaka 22<\/h2>\n\n\n\n
\"\"<\/figure>\n\n\n\n
\n