{"id":104227,"date":"2026-11-10T17:43:06","date_gmt":"2026-11-10T17:43:06","guid":{"rendered":"https:\/\/gospeltodaynews.com\/?p=104227"},"modified":"2026-11-10T17:43:36","modified_gmt":"2026-11-10T17:43:36","slug":"rev-ndayizeye-isaie-nabandi-bakozi-bimana-bagiye-kwitabira-igiterane-ngarukamwaka-gitegurwa-na-cep-ur-huye","status":"publish","type":"post","link":"https:\/\/gospeltodaynews.com\/?p=104227","title":{"rendered":"Rev. Ndayizeye Isaie n’abandi bakozi b\u2019Imana bagiye kwitabira igiterane ngarukamwaka gitegurwa na CEP UR Huye"},"content":{"rendered":"
<\/div>\n

CEP UR Huye igiye kumara icyumweru kirenga mu ivugabutumwa rizahuza abapasiteri n\u2019amakorali atandukanyeUmuryango w\u2019Abanyeshuri Bakristo bo muri Kaminuza y\u2019u Rwanda, ishami rya Huye (CEP UR Huye), wateguye igiterane gikomeye cy\u2019ivugabutumwa cyiswe \u201cEvangelical Campaign 2026\u201d, kizamara iminsi icyenda, kikazabera kuri Stade ya Kaminuza y\u2019u Rwanda i Huye kuva ku wa 14 kugeza ku wa 22 Ugushyingo 2026.Iki giterane kizaba gifite insanganyamatsiko igira iti \u201cYesu Kristo Ishingiro ry\u2019Agakiza\u201d, ishingiye ku murongo wo mu gitabo cy\u2019Abaheburayo 4:12, igamije kwibutsa abantu agaciro k\u2019Ijambo ry\u2019Imana no gukomeza kwamamaza ubutumwa bwiza bwa Yesu Kristo.<\/p>\n\n\n\n

Ni kimwe mu bikorwa CEP UR Huye ikomeje gutegura mu rwego rwo gukomeza umurimo w\u2019ivugabutumwa no gufasha abanyeshuri ndetse n\u2019abandi bazacyitabira gukura mu buzima bw\u2019umwuka.Muri iki giterane hateganyijwe abavugabutumwa n\u2019abigisha b\u2019Ijambo ry\u2019Imana batandukanye barimo Rev. Nkurikiyimana Daniel, Ev. Musengaremurema Cyiaque, Ev. INgabire Clarisse, Ev. Mutimura Thierry, Rev. Binyonyo Jeremy, Rev. Rurangwa Valentin, Rev. Tharcisse Ndayishimiye, Umushumba Mukuru Ndayizeye Isaie, Rev. Nsabayezu Aimable na Rev. Cyubahiro Charles, bazatanga inyigisho zigamije gufasha abazitabira kurushaho gusobanukirwa agakiza kabonerwa muri Yesu Kristo.Mugihe Hoziana Choir yo muri ADEPR Nyarugenge, Siloam Choir yo muri ADEPR Kumukenke na Itabaza Choir yo muri ADEPR Taba ni amwe mu makorali azitabira iki giterane. Haziyongeraho andi makorali n\u2019amatsinda arimo Elayo Family Choir, Enihakore Choir, Vumilia Choir, Alliance Choir ndetse na El-Elyon Worship Team, biteganyijwe ko azafasha mu kuyobora abantu mu kuramya Imana.<\/p>\n\n\n\n

CEP UR Huye ni umuryango wa gikristo ukorera muri Kaminuza y\u2019u Rwanda, ishami rya Huye, ufite intego yo kwamamaza ubutumwa bwiza binyuze mu materaniro, gusenga, kuramya no guhugurana mu by\u2019umwuka. Usanzwe ukora ibikorwa bitandukanye birimo amateraniro ya buri cyumweru, amatsinda yo gusenga, ibikorwa byo kwamamaza ubutumwa bwiza ndetse n\u2019imihango yo kwimika no gusengera abayobozi bashya bawo. Ibi bikorwa bigaragaza uruhare rwuyu muryango mu gufasha abanyeshuri gukomeza gukura mu kwizera no kugira uruhare mu murimo w\u2019Imana.Uyu muryango kandi usanzwe ukorana n\u2019amakorali n\u2019amatsinda atandukanye, harimo Elayo Family Choir CEP UR Huye, Vumilia Choir na El-Elyon Worship Team, bifasha mu bikorwa byo kuramya no guhimbaza Imana. CEP UR Huye inakoresha urubuga rwa CEP UR HUYE TV kuri YouTube, aho ishyira hanze amashusho y\u2019ibiterane, indirimbo n\u2019ibindi bikorwa byayo, kugira ngo ubutumwa bwiza bukomeze kugera ku bantu batandukanye no hanze ya Kaminuza.Iki giterane kije gikurikira ibikorwa bitandukanye CEP UR Huye isanzwe ikora mu guteza imbere ivugabutumwa mu banyeshuri no hanze y\u2019aho bigira.<\/p>\n\n\n\n

Kuba cyarateguwe mu gihe cy\u2019iminsi icyenda kandi kigahuza abigisha b\u2019Ijambo ry\u2019Imana, abavugabutumwa n\u2019amakorali yo mu matorero atandukanye, ni uburyo bwo kwagura ubufatanye hagati y\u2019abakristo no guha abantu umwanya wo kongera gushimangira umubano wabo n\u2019Imana.Abifuza kwitabira Evangelical Campaign 2026 bazahurira kuri Stade ya Kaminuza y\u2019u Rwanda i Huye kuva ku wa 14 kugeza ku wa 22 Ugushyingo 2026. Ku bashaka andi makuru, CEP UR Huye yashyize ahagaragara nimero za telefoni +250 788 404 740 na +250 783 322 773. Igiterane kizajya kandi gitambutswa imbonankubone ku muyoboro wa CEP UR HUYE kuri YouTube.<\/p>\n\n\n\n

CEP UR Huye igiye kwakira Hoziana Choir, Siloam Choir na Itabaza Choir mu giterane cy\u2019ivugabutumwa<\/h2>\n\n\n\n
\"\"<\/figure>\n\n\n\n
\n