Tumaini Praise Concert ED. 1 ibihe by’ububyutse no kuzuzwa imbaraga zo kwinjirana mu mwaka wa 2026
2 mins read

Tumaini Praise Concert ED. 1 ibihe by’ububyutse no kuzuzwa imbaraga zo kwinjirana mu mwaka wa 2026

Itsinda rikomeye ryo kuramya no guhimbaza Imana Tumaini Choir rikorera umurimo w’Imana muri Paruwasi ya ADEPR Gisenyi Itorero rya Bethel mu Karere ka Rubavu, rigiye gutegura igikorwa gikomeye cyihariye cyiswe “Tumaini Praise Concert – Edition ya Mbere (ED.1)”.

Iki giterane kigamije guhuriza hamwe abakristo mu bihe by’ishimwe, kuramya no gusingiza Imana binyuze mu ndirimbo zifite ubutumwa bwa amashimwe.Tumaini Choir yashinzwe mu mwaka wa 1997 nk’itsinda ry’urubyiruko, ihabwa izina “Tumaini” risobanura Ibyiringiro, ryatanzwe n’abapasitori Daniel Hamuri na Deo Nkwaya.

Kuva icyo gihe, iri tsinda ryaragutse cyane, rigira izina rikomeye mu muziki wa Gospel, rigamije gukwirakwiza ubutumwa bwiza bwa Kristo mu Rwanda no ku rwego mpuzamahanga.Iki giterane gifite insanganyamatsiko ikomoka mu Zaburi 105:1–2, igira iti: “Nimushime Uwiteka, mwambaze izina rye; mumenyeshe imirimo ye mu mahanga. Mumuririmbire, mumucurangire inanga; muvuge iby’igitangaza bye byose.”

Chorale Tumaini yiteguye gukora igitaramo kidasanzwe mu mpera zu mwaka

Insanganyamatsiko ishimangira umuhamagaro wo gushima Imana no kumenyekanisha imirimo yayo binyuze mu ndirimbo n’ivugabutumwa.Mu rwego rwo gukomeza gutanga ireme n’ubwiza bw’iki gikorwa, Itabaza Choir izitabira iki giterane igatanga umusanzu wihariye mu ndirimbo zo kuramya no guhimbaza Imana.

Iri tsinda rizwi cyane mu kuyobora amateraniro mu bihe byo guhimbaza mu Buryo budasanzwe rikaba rifite indirimbo zifasha abakristo kwegera Imana no gukomezwa mu Bugingo.EL-ROI Worship Team nayo izaba ihari ikaba izayobora umwanya wo kuramya no guhimbaza muri ibi bihe bidasanzwe byo kuramya.

Itabaza Choir na EL-ROI Worship Team mu Bihe Bidasanzwe byo Kuramya muri Tumaini Praise Concert

EL-ROI Worship Team izwiho indirimbo zifite imbaraga zo kuramya mu mwuka no mu kuri, bikaba biteganyijwe ko bazafasha abitabiriye kwinjira mu mwuka w’ishimweTumaini Choir imaze kumenyekana binyuze mu ndirimbo na album zitandukanye zakunzwe cyane zirimo “Imitima yacu,” “Niyo yabivuze,” “Ibyiringiro,” “Sogongera,” na “Tumwabudu Bwana.”

Izi ndirimbo zakomeje kuba umugisha ku bakristo benshi, zibaha ihumure, ibyiringiro n’imbaraga mu rugendo rwabo rwo kwizera.Abategura Tumaini Praise Concert ED.1 barahamagarira abakunzi b’umuziki wa Gospel n’abakristo muri rusange kuzitabira ari benshi, kuko ari igiterane giteganyijwe kuzaba isoko y’ihumure, umunezero no gukomezwa n’Imana.

Tumaini Choir yateguriye abakunzi bayo igitaramo kimeze nk’urufunguzo rw’imigisha yose yo muri 2026

Ni umwanya wo kuramya Imana no kwamamaza izina ryayo binyuze mu ndirimbo zifite ireme n’ubutumwa bwubaka imitima ya benshi.

Abakristo Barahamagarirwa Kuramya no Gushima Imana muri Tumaini Praise Concert ED.1

El-Roi worship team itegerejwe mu gitaramo gisoza umwaka cyateguwe na Tumaini choir

zimwe mu ndirimbo zitandukanye za Tumaini choir ADEPR Gisenyi Itorero rya bethel ziboneka kuri YouTube channel yabo

Leave a Reply

Your email address will not be published. Required fields are marked *