
Abafana ba Manchester United barashaka kwigurira umukinnyi
Umufana wa Manchester United yatangije urubuga rugamije gukusanya amafaranga yo gufasha Manchester United kugura Carlos Baleba wa Brighton, intego ikaba ari miliyoni £120.
Uyu mufana yashyizeho uru rubuga arwita “Baleba to Man Utd fund”, arangije ashyiraho ifoto ya Baleba yambaye umwambaro wa Brighton, ndetse yandika agira Ati: “Dukeneye ko ibi bibaho, dukeneye ko ibi bibaho, dukeneye ko ibi bibaho!”
Raporo zitandukanye zivuga ko Manchester United yamaze kuvugana na Brighton kuri uyu mukinnyi ariko ikibazo ni uko igiciro gishobora kugera kuri miliyoni £100.
Andi makuru aravuga ko abayobozi ba Brighton bashaka byibura miliyoni £87 kugira ngo bemere kwinjira mu biganiro ibigoye nyuma yo kugura Matheus Cunha (£62.5m) na Bryan Mbeumo (£71m).
Brighton & Hove Albion F.C imaze igihe itanga abakinnyi beza ku makipe akomeye nka Liverpool, Chelsea ndetse n’ayandi harimo nka Yves Bissouma, Moisés Caicedo, Mac Allister, Marc Cucurella n’abandi.
Carlos Baleba w’imyaka 21 akina hagati mu kibuga yugarira, akaba umwe mu bitwaye neza muri Premier League 2024/25 akina imikino 34 atsinda ibitego 3.