ADEPR imaze gutera intambwe mu guha ikaze abashumba n’abaramyi bo muyandi matorero
Itorero ADEPR Ntora Church English Service ryatangaje ku mugaragaro gahunda idasanzwe y’ibihe byo kwigishwa no gukomezwa mu ijambo ry’Imana, bizaba bifite insanganyamatsiko igira iti “Rooted in Christ, Strong in Hope”bisobanura Gushingira muri Kristo, Gukomera mu Byiringiro. Iyi gahunda igamije gufasha abakristo gukura mu kwizera no gukomera ku byiringiro bafite muri Yesu Kristo.
“Rooted in Christ, Strong in Hope”: ADEPR Ntora Church Yatangaje Gahunda Yihariye yo Kwiga Ijambo ry’Imana
Ibi bihe byateguwe ni Itorero hamwe na Senior Pastor Rev. Isale Ndiayizeye, uzafatanya n’abapasiteri n’abigisha b’ijambo ry’Imana baturutse mu matorero atandukanye ya ADEPR n’ahandi, barimo Apostle Seruka Sosthene, Pastor Hortence Mukimpaka, Rev. Pastor Tharcisse Ndayishimiye, Rev. Pastor Uwambaje Emmanuel, Pastor Moses Ndahiro, Rev. Pastor Nsabayesu Aimable, n’abandi benshi bazagira uruhare rukomeye muri iyi gahunda.
ADEPR Ntora Church English Service Yateguye Ibihe Bidasanzwe byo Gukomera mu Byiringiro
Abandi bazatanga inyigisho n’ubutumwa harimo Pastor Kayitare, Rev. Pastor Binyomero M. Jean, Madame Grace, Madame Mukeshimana, Pastor Hakizimana Justin, na Pastor Jean Claude Rudasigwa, bose bakaba bazibanda ku gusobanura neza insanganyamatsiko y’uyu mwaka igira iti “Jesus Christ our life, our power, our reason and hope” ishingiye ku Ibyanditswe byo mu Bakolosayi 2:6–7.

Ibihe by’Impinduka n’Ububyutse Bigiye Kubera muri ADEPR Ntora Church
Iyi gahunda izatangira ku wa 19 Mutarama 2026 ikazakomereza ku wa 8 Gashyantare 2026, ikaba izajya iba buri munsi kuva saa kumi n’ebyiri z’umugoroba (6:00 PM) kugeza saa tatu z’ijoro (9:00 PM). Ni umwanya uhagije ku bakristo bifuza guhabwa umwanya wo kwigishwa, gusenga no gusabana n’abandi mu mwuka umwe wo kuramya Imana.
Aho izabera ni kuri Dove Hotel, ahateguwe neza ku buryo abazitabira bazabasha gukurikira inyigisho mu mutuzo no mu mwuka mwiza wo kwigira hamwe. Abateguye iyi gahunda batangaje ko imyiteguro yose yagenze neza kandi ko biteguye kwakira abantu benshi baturutse mu nzego zitandukanye z’itorero n’abaturanyi baryo.
Ngwino Wunguke Imbaraga nshya zo Kwizera muri “Rooted in Christ, Strong in Hope”
Ubuyobozi bwa ADEPR Ntora Church English Service burakangurira abakristo bose n’inshuti z’itorero kuzitabira ku bwinshi, kuko ari amahirwe akomeye yo kongera gushinga imizi muri Kristo no gukomeza ibyiringiro by’ejo hazaza. Bemeza ko uzitabira azasubira iwabo afite imbaraga nshya zo gukorera Imana no kuyihesha icyubahiro mu mibereho ya buri munsi.
