Umuramyi Gad Iratumva wuzuye Ubuntu bw’Imana yatangaje ibihe byiza byo gusoza umwaka
Umuramyi Gad Iratumva, umwe mu baramyi bazwi cyane mu Rwanda kubera ubuhanga n’umurava we mu kuyobora abantu mu bihe byo kuramya no guhimbaza, yongeye gutangaza inkuru ishimishije ku babakunzi b’indirimbo ziramya Imana.
Nyuma yo gukora igitaramo gikomeye cyiswe Praise and Worship, yahamije ko hari ibindi bihe bikomeye biri gutegurirwa abakunzi b’umuziki wo kuramya n’ijambo ry’Imana.Uyu muramyi amaze igihe agaragaza impano idasanzwe mu gufasha abantu kwegera Imana, haba mu bitaramo binini cyangwa mu biganiro anyuzamo ku mbuga nkoranyambaga. Igitaramo aherutse gukora cyasize inkuru nziza mu mitima ya benshi, bituma hiyongera ishyaka ryo kuba yongera gutegura ibindi bikorwa byagutse kandi bifite ireme.
Gad Iratumva amaze kwandika izina mu ruhando rw’abaramyi banyuze benshi mu buryo budasanzwe binyuze mu ndirimbo ye yakunzwe cyane yiswe narababariwe nibindi bitaramo akorana n’abaramyi batandukanye barimo Valentin, Bertrand nabandi. Abamukurikira ku mbuga nkoranyambaga bemeza ko ibitaramo bye birangwa n’umwuka w’Imana , ubwuzu n’uruhare rukomeye mu gukomeza imitima y’abantu banyuranye, cyane cyane mu bihe bitoroshye abantu bahura nabyo.Ibyo bitaramo bye kandi bimaze kuba intandaro yo guhuriza hamwe abaramyi batandukanye, haba abamaze kumenyekana ndetse n’abafite impano nshya, bikaba byaratanze urubuga rwo gusangira impano n’ibyishimo byo guhimbaza Imana.

Ni muri urwo rwego, gutegura ibindi bihe byiza nk’uko yabigaragaje bitanga icyizere cy’ibindi bikorwa biteye amatsiko.Gad Iratumva kandi akomeje kugaragara no mu itangazamakuru, cyane cyane mu biganiro byo ku maradiyo na ma television aho akangurira abantu gukomeza kubaho mu buzima bwo kuramya Imana no kwiyegurira Umuremyi. Uburyo asobanura indirimbo ze n’ubutumwa bwazo byakomeje gufasha benshi.
Kuri ubu, yatangaje ko ku itariki ya 30 Ukuboza 2025, hari ikindi gitaramo gikomeye abakunzi bindirimbo ze bakwiye kwitegura, ndetse abagaragaje ko bashaka kumenya ibindi birambuye abasaba gukomeza kuba maso kuko azakomeza gutangaza amakuru arambuye. Icyo gikorwa cyitezweho kuzamura ibendera rya kristo mu gihugu no kongera guhuza abakunzi b’indirimbo z’Imana mu buryo budasanzwe.

Abakunda umuramyi Gad Iratumva n’abasanzwe bakunda ibihe byo kuramya no guhimbaza Imana barasabwa gukomeza gukurikirana amakuru, kuko uko iminsi yicuma arushaho kugeza hanze ibyiza byinshi birimo n’indirimbo iri hafi kujya hanze , byose bigamije guteza imbere umuziki wa gikirisitu mu Rwanda.
