Indirimbo “Nza” ya Tessy Rwema igaruka ku migambi myiza Imana yateguriye abana bayo
Umuramyi Tessy Rwema yashyize hanze indirimbo ye ya mbere yise “Nza” indirimbo yuje ubutumwa bw’ihumure n’ibyiringiro ku bizera. Iyi ndirimbo igaruka ku masezerano yose Imana yateguriye abana bayo, igashimangira ko imigambi yayo ari myiza kandi itunganye, n’iyo umuntu yaba ari mu bihe bigoye.
Iyi ndirimbo yatunganijwe na REAL BEAT Mugihe amashusho yayo yatunganijwe na KayitareIndirimbo igasohokera muri Moriox Media bamwe mu bahanga mu gukora indirimbo no guteza imbere impano zitandukanye.
Urugendo rushya rwa Tessy Rwema mu muziki wo kuramya rutangiranye n’indirimbo “Nza”
Mu magambo yayo, indirimbo Nza ihishura ko Imana itarebera kure imibereho y’abana bayo, ahubwo ikomeza kubagendaho ibategurira ejo hazaza heza. Tessy Rwema agaragaza ko n’iyo ibihe byaba bikomeye, Imana iba ikomeje gukora mu ibanga, igasohoza imigambi itangaje ku bayizera.Iyi ndirimbo yasohotse mu gihe Tessy Rwema yari ari mu bihe bikomeye by’akababaro, nyuma yo kubura umubyeyi we witabye Imana.

“Nza”: Indirimbo ya mbere ya Tessy Rwema igaragaza amasezerano y’Imana mu bihe bigoye
https://youtu.be/9kKgWQG5Bzs?si=QDkgGfNBreqZw3qe
Nubwo ari mu marira n’agahinda, Tessy yagaragaje ukwizera gukomeye, ashimangira ko Imana ikomeje kumufata mu kuboko kwayo kandi ko Imufiteho umugambi mwiza.Tessy Rwema yemeza ko indirimbo Nza ari isengesho rihamya y’uko ukwizera Imana kuruta ibigeragezo byose umuntu anyuramo.
Asobanura ko yayiririmbye adashingiye ku marangamutima gusa, ahubwo ayiririmba ashingiye ku ijambo ry’Imana rimwizeza ko Imana itazigera itererana abayiringira.Uyu muramyi asanzwe abarizwa mu itorero ADEPR, muri Chorale Sion yo ku Itorero rya Jenda, aho akora inshingano zo kuyobora indirimbo.
Umuramyi Tessy Rwema yashyize hanze indirimbo ye ya mbere “Nza” itanga ibyiringiro ku bizera

Yamenyekanye kandi nk’umuririmbyi ukunda kugaragara mu ndirimbo z’abaramyi bakomeye mu Rwanda, bikagaragaza impano n’ubuhamya bwe mu murimo wo kuramya no guhimbaza Imana.Nubwo akorera umurimo we wa buri munsi mu itorero rya Jenda, Tessy Rwema akunze kugaragara kenshi mu Mujyi wa Kigali, aho agira uruhare mu bikorwa bitandukanye by’umuziki wo kuramya no gufasha abaramyi batandukanye mu ndirimbo zabo.
Indirimbo Nza ni indirimbo itanga ibyiringiro ku bizera bose, ibibutsa ko Imana ihora yiteguye kuza gutabara no gusohoza amasezerano yayo. Ni ubutumwa bukangurira abakristo gukomeza kwizera Imana, n’igihe ubuzima bubashyira mu bihe bigoye.
