Abaramyi Alicia na Germaine batangaje impinduka ku ndirimbo yabo nshya Ibendera yimuriwe muri 2026
2 mins read

Abaramyi Alicia na Germaine batangaje impinduka ku ndirimbo yabo nshya Ibendera yimuriwe muri 2026

Alicia na Germaine basubitse gahunda yo gushyira hanze indirimbo nshya yitwa Ibendera mu 2025, bayigenera umwaka wa 2026 mu mpinduka nshya batunguje abakunzi babo Itsinda ry’abaramyi Alicia Ufitimana na Germaine Ufitimana bakomoka mu karere ka Rubavu, ryatangaje impinduka ku ndirimbo yabo nshya Ibendera yari yitezwe gusohoka mu mpera z’umwaka wa 2025.

Aya makuru yaje mu buryo butunguranye, mu gihe aba bavandimwe bari bamaze gushyira hanze amajwi (audio) yayo ku rubuga rwa YouTube, aho yakiriwe neza n’abakunzi ba gospel nyarwanda.Mu itangazo rigufi bashyize hanze, Alicia na Germaine bavuze ko Ibendera itazasohoka muri 2025 nk’uko byari biteganyijwe, ahubwo izasohoka mu mwaka wa 2026. Nubwo batigeze bahita batangaza impamvu ziyi mpinduka, bavuze ko ari ku mpamvu zidasanzwe zabayeho, basaba abakunzi babo kubyihanganira no gukomeza kubashyigikira muri uru rugendo rw’umuziki wo kuramya no guhimbaza.

Aya makuru mashya aje asanga itsinda rya Alicia & Germaine risanzwe rizwiho umuvuduko udasanzwe mu gukora no gusohora indirimbo zubaka imitima ya benshi, kuva batangira gukora umuziki mu buryo bw’umwuga muri 2022, bakabikora bayobowe na se, Innocent Ufitimana, ubafasha nk’umujyanama mukuru w’umuziki abinyujije muri label ye ABA Music, mu gihe nyina ari we ushinzwe kubategurira imyambarire y’ibitaramo.

Alicia & Germaine Batunguye Abakunzi babo Basubika gushyira hanze indirimbo Ibendera mu 2025 bayigenera 2026

Mbere y’iri hinduka, Alicia na Germaine bari batangiye kwamamaza no guteguza abakunzi babo amashusho y’indirimbo Ibendera bavuga ko “ari hafi gusohoka.” Ibyo byari byatumye abakurikira umuziki wabo bakomeza kugira amatsiko menshi, bitegura kwakira amashusho y’iyi ndirimbo yari imaze iminsi igezweho mu matsinda y’abakunzi ba gospel, ikanavugisha benshi ku mbuga nkoranyambaga.

Indirimbo Ibendera yiyongereye ku zindi ndirimbo zakunzwe z’iri tsinda zirimo Urufatiro, Rugaba, Wa Mugabo, Ihumure, Uri Yo, Ndahiriwe, ndetse n’izindi, zose zagiye ziba ikimenyetso cy’uko aba bavandimwe bafite umugisha ukomeye mu muziki wa gospel, kandi bakomeje kuba urugero rw’urubyiruko mu guhuza amasomo n’impano yo guhimbaza Imana, Alicia akaba ari umunyeshuri wa Medicine and Surgery muri Kaminuza y’u Rwanda, naho Germaine akaba ari mu mashuri yisumbuye mu ishami rya Languages and Literature.

Alicia and Germaine mu myambaro ya Noheli bifuriza abakunzi babo ibihe byiza no gusoza umwaka neza

Mu gihe abakunzi babo bari bategereje umusaruro w’amashusho muri 2025, ubu ibyiringiro byimuriwe muri 2026, ari na bwo biteganyijwe ko Ibendera izagera ku rwego rwuzuye (audio + video), igakomeza ubutumwa bwo kuzamura no gukomeza imitima ya benshi. Itsinda rya Alicia & Germaine ryijeje abakunzi baryo ko nubwo habayeho impinduka, umurimo wabo wo kwamamaza ubutumwa bwiza bwa Kristo unyuze mu muziki uzakomeza, kandi ko bazakomeza gutanga umusaruro wubaka ku gihe cyagenwe.

Alicia & Germaine Basabye Abakunzi Kwihangana, Ibendera Izasohoka muri 2026

Germaine umuramyi wuzuye Ubuntu bw’Imana, urukundo n’umutima wo kuramya

Leave a Reply

Your email address will not be published. Required fields are marked *