Kuramya nk’inzira yo gukira kw’imitima ya benshi: Ancient Worship 2026
2 mins read

Kuramya nk’inzira yo gukira kw’imitima ya benshi: Ancient Worship 2026

Biteganyijwe ko mu mujyi wa Port Harcourt muri Nigeria hagiye kubera igitaramo gikomeye cyo kuramya no guhimbaza Imana cyiswe Ancient Worship 2026, kizahuza abaramyi n’abakozi b’Imana b’ingeri zitandukanye baturutse hirya no hino ku Isi.

Iki gikorwa kizayoborwa na Chioma Jesus Praise Ministries International, kikaba cyitezweho guhindura imitima ya benshi no kubasubiza mu bihe byo kuramya.Ancient Worship 2026 izaba ku wa Gatanu tariki ya 20 Gashyantare 2026, itangire saa moya z’ijoro (7:00 PM W.A.T) . Abazitabira bazahurira kuri Polo Club, GRA Port Harcourt, ahazaba habereye igitaramo kidasanzwe cyo kuramya no kwakira ubutumwa buhindura ubuzima. Abateguye iki gitaramo bavuga ko ari ijoro ridasanzwe ryo kwegera Imana no kumva ijwi ryayo mu buryo bushya.

Iki gikorwa kizitabirwa n’abaramyi bakunzwe cyane ku rwego mpuzamahanga barimo Chioma Jesus ubwe, Mercy Chinwo Blessed, Joe Praise, Theophilus Sunday, Peterson Okopi, Ebuka Songs, Bidemi Olaoba, Sensational Bamidele n’abandi benshi. Abo baramyi bazahurira ku rubyiniro rumwe bagamije kuyobora abantu mu kuramya kuzima no mu ndirimbo zifite ubutumwa bukomeye bwo gukiza no kugarura ibyiringiro.Si abaramyi gusa bazaba bahari, ahubwo hazanitabira n’abayobozi b’amatorero n’abavugabutumwa bazwi cyane barimo Bishop David Abioye, Apostle Zilly Aggrey, Bishop Prosper Obara, Pastor Wisdom Osiri, Pastor Sam Obiorah n’abandi.

Abo bazatanga inyigisho n’ubuhamya bigamije gukomeza ukwizera kw’abazitabira no kubafasha gusobanukirwa kurushaho n’intego y’Imana ku buzima bwabo.Abategura Ancient Worship 2026 batangaje ko iki gikorwa kigamije gusubiza itorero mu murage wo kuramya k’umwimerere, gushingiye ku Ijambo ry’Imana n’imbaraga za Mwuka Wera. Bagaragaje ko atari igitaramo gisanzwe, ahubwo ari umwanya wo guhura n’Imana mu buryo bwihariye, aho abantu bazahava bahindutse mu mitekerereze no mu myitwarire.

Iki gikorwa gishyigikiwe na CJ Entertainment, kikaba cyitezweho kwitabirwa n’abantu benshi baturutse mu bice bitandukanye bya Nigeria no hanze yayo. Abakunzi b’umuziki wa Gospel n’abashaka gukura mu buzima bwo gusenga barasabwa kwitegura hakiri kare kugira ngo batazabura umwanya muri ibi bihe bidasanzwe byo kuramya bizasiga amateka muri Port Harcourt.

Abaramyi mpuzamahanga bagiye guhurira muri Ancient Worship 2026
Chioma Jesus ayoboye igitaramo gikomeye cyo kuramya muri Port Harcourt
cyitezweho kuba uburuhukiro kuri benshi

Leave a Reply

Your email address will not be published. Required fields are marked *