Umunsi nk’uyu mu mateka: Tariki ya 25 Werurwe
1 min read

Umunsi nk’uyu mu mateka: Tariki ya 25 Werurwe

Turi ku wa 25 Werurwe 2026.
Ni umunsi mpuzamahanga wo kwibuka no guha icyubahiro abacakara bakorerwaga iyicarubozo bambutswa inyanja ya Atalantique. Ni n’Umunsi Mpuzamahanga wo kwibuka abana bapfa bataravuka aho intego nyamukuru yawo ari ukurwanya ibikorwa byo gukuramo inda. Watangijwe na Papa Paul Yohana II mu 1993.
Ibi ni bimwe mu byaranze uyu munsi mu mateka
1918: Ni bwo hashyizweho Repubulika ya Belarus.
1947: Abantu 111 bahitanwe n’iturika ryabereye ahacukurwaga nyiramugengeri (…)

Turi ku wa 25 Werurwe 2026.

Ni umunsi mpuzamahanga wo kwibuka no guha icyubahiro abacakara bakorerwaga iyicarubozo bambutswa inyanja ya Atalantique.

Ni n’Umunsi Mpuzamahanga wo kwibuka abana bapfa bataravuka aho intego nyamukuru yawo ari ukurwanya ibikorwa byo gukuramo inda. Watangijwe na Papa Paul Yohana II mu 1993.

Ku munsi nk’uyu Kiliziya Gatulika irizihiza Mutagatifu Dismas, Quirinus na Mutagatifu Lucy.

Ibi ni bimwe mu byaranze uyu munsi mu mateka

1918: Ni bwo hashyizweho Repubulika ya Belarus.

1947: Abantu 111 bahitanwe n’iturika ryabereye ahacukurwaga nyiramugengeri muri Illinois yo muri Leta Zunze Ubumwe za Amerika.

1959: Leta ya Californie yagurishije Ikirwa cya “Chain” ku muherwe witwa Russell Gallaway III wifuzaga kujya aharuhukira; agahiga akanaroba amafi aho yishyuye amadolari ya Amerika $5.258, ni ukuvuga arenga ibihumbi 56$ ubaze mu gaciro k’iki gihe.

1975: Umwami Faisal wa Arabie Saoudite yishwe arashwe na mwishywa we.

Mu muziki

1954: Ni bwo havutse umuhanzi Mutamuriza Anonciata wari uzwi ku izina rya Kamaliza, aho yavukiye mu karere ka Nyaruguru. Yamenyekanye mu ndirimbo zirimo Kamaliza, Mbabare ngire nte, Naraye Ndose, Shira Iyo Ntimba, Nzakumara Irungu n’izindi nyinshi zabaye ikimenyabose.

Abavutse

1947: Elton John, Umwongereza w’umuririmbyi, umukinnyi wa filimi n’umwanditsi w’indirimbo akanazitunganya.

1998: Havutse Iradukunda Elsa wabaye Nyampinga w’u Rwanda mu 2017.

Abapfuye

2008: Herb Peterson, Umunyamerika watangije ikorwa ry’imigati ya McMuffin yamenyekanye mu bucuruzi bwa McDonald’s.

2012: John Crosfield, Umwongereza washinze ikigo gikora ibikoresho by’ikoranabuhanga cya Crosfield Electronics.

Leave a Reply

Your email address will not be published. Required fields are marked *