UMUTOZA WA AL HILAL YATANZE ABAGABO ARAYITA
1 min read

UMUTOZA WA AL HILAL YATANZE ABAGABO ARAYITA

Uko umutoza Laurențiu Reghecampf yapfunyikiye amazi Al Hilal

Ni gute Esperance de Tunis yateye gapapu Al Hilal?

Tariki ya 10/6/2026, Al Hilal yari imaze gutwara igikombe cya shampiyona ya Sudan yahise itangaza ko umutoza Laurențiu Reghecampf yongereye amasezerano y’umwaka.

Nyuma y’iminsi 5 gusa, Laurențiu Reghecampf yatangajwe nk’umutoza wa Esperance de Tunis yo muri Tunisia yatoje muri 2024-2025 mbere yo kujya muri Al Hilal.

Ubwo bari bamaze gutwara shampiyona ya Sudani, Reghecampf wari umaze iminsi mu biganiro yemeye gusinya imbanziriza masezerano (MoU) hanafatwa amafoto.

Muri izo mbanziriza-masezerano harimo no kuzamurwa umushahara muri uwo mwaka (2026-2027) yari yasinye.

Reghecampf yabwiraga Al Hilal ko impamvu asinye MoU ari ukugira ngo azabanze yoherereze umunyamategeko we amasezerano anyuzemo amaso.

Ya masezerano yohererejwe umunyamategeko w’umutoza.

Ubuyobozi bwa Al Hilal bwaje gutungurwa no kuba umutoza ari muri Tunisia ndetse ababwira abanza kubabwira ko agiye gufata ibintu bye yasozeyo.

Batunguwe ababwiye ko bagomba kuzamura umushahara we aherutse kongeresha.

Abo muri Sudan bamusabye ko abaha amasaha 48 bagafata umwanzuro ku busabe bwe,

Mbere y’uko ya masaha ashira, Al Hilal yashakishije uwari umutoza wabo Reghecampf baramubura (yari i Tunis) ahubwo babona itangazo rya Esperance de Tunis ko yabasinyiye nk’umutoza mukuru.

Ubuyobozi bwa Al Hilal igomba kugaruka mu Rwanda vuba kwitegura CECAFA Kagame Cup bwahise butangaza ko bwatangiye gushaka umutoza wakomeza umushinga iyi kipe yatangiye.

Leave a Reply

Your email address will not be published. Required fields are marked *