
Kenya yanze kwitabira imikino igiye kubera Tanzania
Ikipe y’igihugu ya Kenya “Harambee Stars” ntikitabiriye irushanwa yari guhuriramo na Uganda, Tanzania ndetse n’indi ya Senegal yari yaratumiwe.
Ibi byatangajwe kuri uyu wa mbere wa tariki 21 Nyakanga 2025, nubwo yari yamaze kugera muri Tanzania ahagomba kubera irushanwa.
Nk’uko byemejwe n’Ishyirahamwe ry’Umupira w’Amaguru muri Kenya ni ikemezo cyafashwe ku busabe bw’umutoza Benni McCarthy.
“Icyemezo cyafashwe hashingiwe ku nama n’impanuro byatanzwe n’abatoza b’ikipe, bayobowe na Benni McCarthy nyuma yo gusuzuma byimbitse ibihe byari bihari aho byasanzwe bidakwiriye ko ikipe yakina iyi mikino.”
Nyuma yo kwivana muri iri rishanwa kuri gahunda yagombaga guhita ifata indege isubira i Nairobi akaba ari ho yitegurira iyi mikino ya CHAN 2024 izatangira guhera tariki 02-30 Kanama 2025, ikabera mu bihugu bitatu Uganda, Kenya na Tanzania.
Uko amatsinda ateye mu mikino ya CHAN 2024 igiye kuba 2025!
Group A: Kenya, Morocco, Angola, DR Congo, Zambia
Group B: Tanzania, Madagascar, Mauritania, Burkina Faso, Central African Republic
Group C: Uganda, Niger, Guinea, Algeria, South Africa
Group D: Senegal, Equatorial Guinea, Sudan, Nigeria