Ikipe ya Rayon Sports yatangiye urugamba rwo gusimbuza Biramahire Abeddy
1 min read

Ikipe ya Rayon Sports yatangiye urugamba rwo gusimbuza Biramahire Abeddy

Ikipe ya Rayon Sports yegereje gusinyisha rutahizamu wa Rutsiro FC, Habimana Yves nyuma yo gutakaza Biramahire Abeddy nk’uko amakuru abyemeza.

Tariki 06 Nyakanga 2025, nibwo Rayon Sports yatangaje ko yongereye amasezerano rutahizamu wari wabafashije mu mwaka ushize w’imikino, Biramahire Abeddy akaba yari yarasinye amasezerano y’imyaka ibiri.

Uyu rutahizamu wabaye uwatsinze ibitego wa Kabiri mu ikipe ya Rayon Sports amakuru yemeza ko yamaze kumvikana n’ikipe ya Entente Sportive Sétifienne ikina shampiyona y’icyiciro cya mbere muri Algeria.

Iyi kipe mu mwaka ushize w’imikino yabaye iya Gatandatu muri shampiyona inyuma y’amakipe akomeye yo muri iki gihugu nka MC Alger, JS Kabylie, CR Belouizdad ndetse n’ayandi.

Rayon Sports kuri ubu iri kurwana no kumusimbuza aho yegereye Habimana Yves wa Rutsiro FC uri mu bitwaye neza umwaka ushize w’imikino wa shampiyona.

Murera yemeye kwishyura miliyoni 10 z’amafanga y’u Rwanda, ikaba kuri Biramahire Abeddy yahawe arengaho gato miliyoni 20 mu gihe umukinnyi we yahawe arengaho gato miliyoni 30.

Leave a Reply

Your email address will not be published. Required fields are marked *