Havumbuwe isoko y’ibyishimo bya Tracy Agasaro na René Patrick abaramyi buzuye ubwiza bw’Imana
2 mins read

Havumbuwe isoko y’ibyishimo bya Tracy Agasaro na René Patrick abaramyi buzuye ubwiza bw’Imana

René Patrick na Tracy Michella Agasaro, bamenyekanye cyane mu ndirimbo zo kuramya no guhimbaza Imana mu Rwanda, bagarutsweho mw’itangazamakuru nyuma yo gutangaza igikorwa gikomeye bise “In Christ Now Worship Experience” giteganyijwe kuba ku wa 10 Mutarama 2026. Ni igitaramo cyitezweho guhuriza hamwe abakunzi b’umuziki wo kuramya ndetse n’abashaka kurushaho kwinjira mu bihe byiza byo guhimbaza Imana.Uyu muryango w’ivugabutumwa n’umuziki ni umwe mu bafatwa nk’inkingi zikomeye mu iterambere ry’umuziki wa gospel mu Rwanda.

René Patrick uzwiho ubuhanga mu kuyobora kuramya no guhimbaza, ndetse akaba ninkingi ya mwamba muri Tehillah W.M, yifatanyije n’umugore we Tracy Agasaro, umunyamakuru w’inararibonye wakoreye KC2 akanaba umushyushyarugamba w’ubushobozi buhambaye.Aba bombi bahuriye ku muhamagaro umwe wo kuramya Imana, maze nyuma y’imyaka ibiri babana nk’umugabo n’umugore bafata icyemezo cyo guhuza impano zabo mu buryo bweruye.

Christ in me experience ibitaramo bitegurwa na Tracy Agasaro na René Patrick

Mu mwaka wa 2023 bashyize hanze indirimbo yabo bakoranye bise “Jehovah”, yahise yakirwa neza mu Rwanda no hanze yarwo, ibafungurira inzira zo gukomeza gukora umuziki nk’itsinda.Kuva icyo gihe, indirimbo zabo zakomeje gusohoka zisakara mu bakunzi ba gospel, zirimo “Niryubahwe,” “Arankunda,” “Ku bw’imbabazi zawe,” “Ntuhinduka,” na “Ni Byiza.”

MC akaba n’umuramyi w’umuhanga; Tracy Agasaro

Umuziki wabo urangwa n’amagambo yifitemo ubutumwa bukomeye bwo gukomeza kwizera, kubaho ubuzima bwubakiye kuri Kristo no kugumana umutima wo gushima muri byose.Uretse ibikorwa by’indirimbo, René na Tracy banamenyekanye mu bitaramo bitandukanye byo kuramya, harimo n’ibyo bategura ubwabo birimo ibifite intego yo gufata amajwi (live recording). Banakoranye kandi n’abaririmbyi mpuzamahanga, barimo James na Daniella indirimbo Yitwa Three in one bakomeza kubaha izina rikomeye muri gospel.

Mu buzima bwabo bwite, uyu muryango washakanye mu Ukuboza 2021, kuva ubwo bakomeza kuba icyitegererezo ku rubyiruko n’imiryango ikiri mishya, bashishikariza abantu kubaho mubuzima bwo kubaha Imana no kubaka ingo zishingiye ku rukundo rwa Kristo. Kuri bo, gukora umuziki n’umurimo w’ubutumwa kurusha kuba umwuga gusa.

Igitaramo “In Christ Now Worship Experience” cyitezweho gusiga inkuru nshya mu mateka yabo, bakaba basaba abantu bose gukomeza kubafasha mu masengesho no kwitegura neza iki gikorwa bemeza ko kizaba umunsi udasanzwe wo guhemburwa no kongera kwegera Imana mu buryo bwihariye.

René na Tracy: Abafatanyabikorwa mu Rukundo, mu Muryango no mu Murimo w’Imana

In Christ Now Worship Experience”: Igitaramo Abakunzi ba Gospel Batagomba Gucikwa

René & Tracy Batangaje “In Christ Now Worship Experience” Izaba muri 2026

Agasaro Tracy umunyamakuru w’umuhanga utazibagirana mubiganiro bya KC2 byumwihariko Morning Cafe

Nyuma yo kubaka Urugo Tracy agaragara atanga inama nziza zo kubaka umuryango

Tracy Agasaro na René Patrick abaramyi bagaragaza ishusho y’Imana muri bo binyuze mu byishimo n’urukundo rubaranga

Leave a Reply

Your email address will not be published. Required fields are marked *