Chorale Siloam yiyongereye mu bazataramira mu gitaramo IFOTO Live Concert Edition 3
2 mins read

Chorale Siloam yiyongereye mu bazataramira mu gitaramo IFOTO Live Concert Edition 3

Chorale Siloam yo muri ADEPR Bibare imwe mu makorali azitabira igitaramo gikomeye cyo kuramya no guhimbaza Imana cyiswe “IFOTO Live Concert Edition 3”, cyateguwe na Beulah Choir ku bufatanye na ADEPR Gatenga. Iyi nkuru yakiriwe neza n’abakunzi b’umuziki wa Gospel, by’umwihariko abakurikirana umurimo w’iyi chorale izwi mu ndirimbo zifite umwimerere wihariye.

IFOTO Live Concert Edition 3 ni igitaramo kizaba kuva ku wa 02 kugeza ku wa 08 Werurwe 2026, kikabera muri ADEPR Gatenga. Iki gitaramo kigamije guhuza abakristo mu bihe byo kuramya byimbitse, isengesho n’ishimwe rishingiye ku ijambo ry’Imana, by’umwihariko ryo muri Zaburi 150:2.Gutumira Chorale Siloam muri iki gitaramo bifatwa nk’ishimwe rikomeye, bitewe n’uko iyi chorale ifite izina rikomeye mu kuramya no guhimbaza Imana binyuze mu ndirimbo zubakiye ku ijambo ry’Imana.

ADEPR Gatenga izakira IFOTO Live Concert – Edition 3 mu Minsi ibiri Idasanzwe yo Kuramya

Abategura iki gitaramo bagaragaje ko Siloam izatanga umusanzu wihariye uzarushaho gutuma IFOTO Live Concert iba igitaramo gifite ireme n’umwihariko.Chorale Siloam imaze igihe igira uruhare mu bikorwa bitandukanye byo kuramya, haba mu matorero no mu bitaramo bikomeye byo ku rwego rw’igihugu. Indirimbo zayo zakomeje gukora ku mitima ya benshi, zibafasha kwegera Imana no gukomera mu kwizera, ari na byo bitegerejwe muri IFOTO Live Concert Edition 3.

Beulah Choir, ari na yo yateguye iki gikorwa, ivuga ko gukorana na Chorale Siloam ari ikimenyetso cy’ubumwe bw’amakorali n’abaramyi bafite intego imwe yo kuzamura izina ry’Imana. Iki gitaramo kizaba n’umwanya wo kwigisha, gukangurira abakristo kuramya Imana by’ukuri no kuyishimira ibyiza byinshi yabakoreye.

Chorale Siloam muri IFOTO Live Concert – Edition 3 byitezweho kongera agaciro k’iki gitaramo no kugituma kiba igikorwa gikomeye kizibukwa na benshi. Abategura iki gikorwa barahamagarira abakristo n’abakunzi b’umuziki wo kuramya kuzitabira ari benshi, bityo bagafatanya mu gushima no gusingiza Imana mu bihe byateguwe by’umwihariko.

Zaburi 150:2 mu bikorwa: Chorale Siloam yinjiriye muri IFOTO Live Concert

Leave a Reply

Your email address will not be published. Required fields are marked *