Igitaramo gikomeye cya Gahogo Choir kigiye guhuriza hamwe abaramyi bakomeye barimo Papi Clever na Dorcas
2 mins read

Igitaramo gikomeye cya Gahogo Choir kigiye guhuriza hamwe abaramyi bakomeye barimo Papi Clever na Dorcas

Itsinda ry’abaramyi Papi Clever & Dorcas ryatumiwe mu gitaramo gikomeye cyo gufata amashusho y’indirimbo (Live Recording Concert) cyateguwe na Gahogo Choir, kikaba gitegerejwe na benshi mu bakunzi b’umuziki wo kuramya no guhimbaza Imana mu Rwanda no hanze yarwo.Iki gitaramo kizaba ku Cyumweru tariki ya 05 Mata 2026, kikazabera muri Splendid Hotel Kigali guhera saa cyenda z’amanywa (3:00 PM).

Papi Clever & Dorcas bakomeje kwagura ivugabutumwa binyuze mu bitaramo bikomeye

Igitaramo cyo gufata amashusho kizabera muri Splendid Hotel Kigali cyitezweho umusaruro ukomeye

Ni igikorwa cyihariye kizahuza abaririmbyi benshi, abakunzi b’umuziki n’abashaka gusabana n’Imana mu buryo bwimbitse binyuze mu ndirimbo zifite ubutumwa bukomeye.Papi Clever & Dorcas ni bamwe mu baramyi bamaze kwigarurira imitima ya benshi mu Rwanda no mu mahanga, bazwiho indirimbo zifasha abakristo kwegera Imana no gukomeza kwizera. Ubutumire bwabo muri iki gitaramo bugaragaza urwego iki gitaramo.

Iki gitaramo kizayoborwa na Emmanuel Nsabiyumva uzwiho ubunararibonye mu kuyobora ibitaramo by’iyobokamana, bikaba biteganyijwe ko azatanga umusanzu mu gutuma igikorwa kigenda neza kandi kikaba isoko yo gukira kw’imitima.

Ibyishimo ku bakunzi b’umuziki wo kuramya: Gahogo Choir igiye gukora igitaramo gikomeye

Gahogo Choir, isanzwe izwiho ubuhanga mu muziki wa korali no gutegura ibitaramo byujuje ubuziranenge, yatangaje ko iyi Live Recording izaba ari umwanya wo gufata amashusho y’indirimbo nshya zizashyirwa ahagaragara mu minsi iri imbere, zigamije gukomeza kwamamaza ubutumwa bwiza binyuze mu muziki.

Abategura iki gitaramo barahamagarira abakunzi b’umuziki wo kuramya no guhimbaza Imana kwitabira ari benshi, bakaza kwihera ijisho uburyo indirimbo zifatwa live ndetse bakabona n’umwanya wo kuramya Imana hamwe n’abaramyi b’inararibonye. Ni igikorwa kizaba gifite ireme, n’icyizere cyo kwakira imigisha myinshi.

Papi clever and Dorcas bagiye gushyira hanze indirimbo nshya mbere yo gutaramira muri BK Arena mugitaramo cyateguwe na Ben and Chance
Papi Clever & Dorcas bakomeje kwagura ivugabutumwa binyuze mu bitaramo bikomeye

Alicia na Germaine mu gitaramo gikomeye bazahuriramo na Papi Clever and Dorcas

Papi clever and Dorcas mu bihe byo gutunganya amashusho y’indirimbo zabo

Leave a Reply

Your email address will not be published. Required fields are marked *