Umunsi nk’uyu mu mateka: Tariki ya 27 Mata
Turi ku wa 27 Mata 2026.
Ni umunsi w’Ubwigenge Togo yabonye yigobotoye ubukoloni bw’Abafaransa mu 1960 mu gihe Sierra Leone yo yizihiza ubwo yabonye mu 1961 yigobotoye ubukoloni bw’Abongereza.
Ibi ni bimwe mu byaranze uyu munsi mu mateka
1994: Leta y’u Bufaransa yakiriye abayobozi bakuru ba Hutu Power i Paris ikomeza gukorana na Leta y’abicanyi yari ikomeje gushyira mu bikorwa umugambi wa Jenoside. Abakiriwe muri Champs Elysée ni Jérôme Bicamumpaka na Jean Bosco Barayagwiza, bakiriwe (…)
Turi ku wa 27 Mata 2026.
Ni umunsi w’Ubwigenge Togo yabonye yigobotoye ubukoloni bw’Abafaransa mu 1960 mu gihe Sierra Leone yo yizihiza ubwo yabonye mu 1961 yigobotoye ubukoloni bw’Abongereza.
Kiliziya Gatulika ku munsi nk’uyu irizihiza Mutagatifu Simeon na Mutagatifu Zita
Ibi ni bimwe mu byaranze uyu munsi mu mateka
1994: Leta y’u Bufaransa yakiriye abayobozi bakuru ba Hutu Power i Paris ikomeza gukorana na Leta y’abicanyi yari ikomeje gushyira mu bikorwa umugambi wa Jenoside. Abakiriwe muri Champs Elysée ni Jérôme Bicamumpaka na Jean Bosco Barayagwiza, bakiriwe na Matignon, mu gihe ibindi bihugu byari byabimye viza.
Icyo baganiriye n’abategetsi b’Abafaransa barimo minisitiri w’Intebe Edouard Balladur, uw’Ububanyi n’amahanga Alain Juppe na Bruno Delaye wategekaga Ibiro bishinzwe Africa mu biro bya perezida wa Repubulika.
1992: Hashyizweho Repubulika ya Yougoslavie yahuje ibihugu bya Serbie na Montenegro biba igihugu kimwe.
1993: Benshi mu bakinnyi b’ikipe y’igihugu ya Zambia baguye mu mpanuka y’indege ubwo berekezaga i Dakar muri Senegal mu mukino yo guhatanira kwitabira Igikombe cy’Isi cya 1994.
2005: Airbus A380, nk’indege nini mu zitwara abagenzi, yakoze urugendo rwayo rwa mbere rw’isuzuma.
Mu muziki
1985: Indirimbo “We Are The World” yanditswe na Michael Jackson na Lionel Richie yamaze ibyumweru bitatu ari yo iyoboye izikunzwe muri Amerika.

Abavutse
1910: Chiang Ching-kuo, wabaye perezida wa gatatu w’u Bushinwa.

1998: Cristian Romero ukina mu bugarira izamu mu Ikipe y’igihugu ya Argentine na Tottenham Hotspurs mu Bwongereza.

Abapfuye
1972: Kwame Nkrumah wabaye Perezida wa mbere wa Ghana ari na we waharaniye ubwigenge bw’icyo gihugu.

1989: Konosuke Matsushita, umushoramari w’Umuyapani, washinze ikigo cya Panasonic kizwiho gukora ibikoresho by’ikoranabuhanga.