
Arsenal yamaze kumvikana n’ugomba kuyishakira ibitego umwaka utaha w’imikino
Ikipe ya Arsenal yamaze kugera ku masezerano n’ikipe ya Chelsea yo gusinyisha Noni Madueke mu igura rishobora kugera kuri miliyoni £52.
Uyu mukinnyi w’imyaka 23 yamaze kumvikana ku giti cye na Arsenal ku masezerano y’imyaka itanu, aho yahisemo ikipe yo mu majyaruguru y’umujyi wa Londres kurusha izindi zose.
Madueke ari muri Leta Zunze Ubumwe za Amerika aho Chelsea yitegura gukina umukino wa nyuma wa Club World Cup na Paris Saint-Germain ku cyumweru nijoro. Gusa ibiganiro hagati y’amakipe bimaze kugera ku rwego rwa nyuma.
The Athletic yatangaje tariki ya 7 Nyakanga ko Arsenal yatangiye ibiganiro na Chelsea ku igura ry’uyu mukinnyi ukinira ikipe y’igihugu y’u Bwongereza.
Madueke yakinnye imikino 46 mu marushanwa yose muri 2024–25, harimo n’imikino 5 ya Club World Cup iri kubera muri Amerika ndetse n’imikino 32 muri 38 ya Premier League.