
Kera kabaye Arsenal igiye kubona rutahizamu
Ikipe ya Arsenal iri hafi kurangiza igurwa rya rutahizamu Viktor Gyökeres nyuma y’uko ibiganiro bya nyuma na Sporting CP biri kugana mu mahina kuri €73.5m.
Impande zombi zumvikanye kuzishyurana mu buryu bubiri aho akokanya Arsenal izahita yishyura €63.5m hanyuma andi angana na miliyoni €10 azishyurwe nk’inyongera nyuma.
Ibiganiro byatinze kubera ko Perezida wa Sporting, Frederico Varandas, yanze kwemera ibyo yari yavuganye na Gyökeres ko azagurwa €60m n’inyongera ya €10m ibirangiye Arsenal biyisabye kurenza ayo mafaranga.
Gyökeres yageze muri Sporting mu 2023 avuye muri Coventry City. Umwaka ushize yatsinze ibitego 54 mu mikino 52, afasha ikipe kwegukana igikombe cya shampiyona n’igikombe cy’igihugu.
Naramuka ageze muri Arsenal, azaba ari umukinnyi wa kane basinyishije muri iyi mpeshyi nyuma ya Martin Zubimendi (Real Sociedad), Christian Nørgaard (Brentford), na Kepa Arrizabalaga (Chelsea). Banamaze kumvikana na Chelsea kuri Noni Madueke.