
Hatangajwe amakipe azakina CECAFA Kagame Cup 2025
Ubuyobozi bw’Impuzamashyirahamwe y’Umupira w’Amaguru muri Afurika y’Iburasirazuba no Hagati (CECAFA) bwatangaje ko amakipe 12 ariyo azakina CECAFA Kagame Cup ya 2025.
Ni imikino iteganyijwe gutangira tari 02 irangire ku ya 15 Nzeri 2025 ikazabera mu gihugu cya Tanzaniya i Dar es Salaam.
U Rwanda ruzahagararirwa na APR FC cyane ko ariyo yegukanye igikombe cya shampiyona mu Rwanda.
Amakipe 12 izitabira n’ibihugu azahagararira!
Vipers SC (Uganda), El Merriekh SC Bentiu (Sudani y’Epfo), Mlandege SC (Zanzibar), Al Hilal (Sudani), Kenya Police FC (Kenya), Ethiopia Insurance (Ethiopia), MCC FC (Somalia), APR FC (Rwanda), Aigle Noir FC (Burundi), Young Africans SC, Simba SC (Tanzania) na ASAS Djibouti Telecom (Djibouti).
CECAFA Kagame Cup yatangiye gukinwa mu mwaka 1967 rikaba ryaritiriwe umukuru w’igihugu cy’Urwanda , perezida Paul Kagame nyuma yo kwiyemeza kuritera inkunga.
Red Arrows F.C yo muri Zambiya n’iyo yegukanye igikombe giheruka nyuma yo gutsinda APR FC irushanwa naryo ryari ryabereye Tanzaniya.