Victor Mbaoma wasezerewe na APR FC yasinyiye ikipe izakina CAF Champions League
1 min read

Victor Mbaoma wasezerewe na APR FC yasinyiye ikipe izakina CAF Champions League

Umunya-Nigeria, Victor Mbaoma Chukwuemeka, watandukanye n’ikipe ya APR FC yamaze kwerekeza mu ikipe ya Remo Stars y’iwabo ku masezerano y’imyaka ibiri.

Mbaoma yatangajwe nk’umukinnyi mushya wa APR FC tariki 10 Nyakanga 2023, binyuze ku mbuga nkoranyambaga nyuma y’imyaka 11 yari imaze idakoresha abanyamahanga ikabona ko iyo Politiki itariki gutanga umusaruro.

Ubwo Victor Mbaoma yasozaga amasezerano ye mu mpera z’umwaka w’imikino 2024-2025, APR FC yahisemo gutandukana nawe kimwe n’abandi bakinnyi biganjemo abanyamahanga.

Remo Stars ni ikipe ikina shampiyona y’icyiciro cya mbere muri Nigeria. Mu mwaka w’imikino ushize ikaba yaregukanye igikombe cya shampiyona n’amanota 71 irusha amanota arinwi iyayikurikiye ariyo ya Rivers United.

Ibi bisobanuye ko arinayo kipe izahagararira Nigeria mu mikino Nyafurika ya CAF Champions League y’umwaka w’imikino 2025-2026 aho tombora yabaye kuri uyu wa Gatandatu muri Tanzaniya yasize ibahuje na US Zilimadjou yo mu birwa bya Comoros.

Victor Mbaoma Chukwuemeka yakinnye mu makipe nka FC Qizilqum Zarafshon yo muri Uzbekistan, MC Algiers yo muri Algeria, Enyimba FC, Remo Stars na Akwa United z’iwabo. Yahamagawe kandi mu Ikipe y’Igihugu ya Nigeria mu 2022 aho yakinnye imikino ibiri ya gicuti na Mexico na Equateur.

Leave a Reply

Your email address will not be published. Required fields are marked *