Myugariro w’Amavubi yasinye amasezerano mashya mu ikipe yo muri Libya
1 min read

Myugariro w’Amavubi yasinye amasezerano mashya mu ikipe yo muri Libya

Myugariro w’ikipe y’igihugu y’u Rwanda y’umupira w’amaguru (Amavubi) , Manzi Thierry yongerewe amasezerano y’imyaka ibiri mu ikipe ya Al Ahli SC (Tripoli).

Uyu musore w’imyaka 29 y’amavuko yari aherutse gutwara igikombe cya shampiyona hamwe n’iyi kipe nyuma yo gutsinda Al Hilal SC Benghazi ibitego bibiri ku busa(2-0) harimo n’igitego cya Manzi.

Manzi yahisemo gukomezanya n’iyi kipe mu gihe izahagararira Libya mu mikino ya CAF Champions League aho muri tombora yabereye muri Tanzaniya yasize yerekanye ko izakina na Dadje FC yo mu gihugu cya Benin.

Biteganyijwe ko ikipe izabasha kurenga ijonjora rya mbere ry’ibanze azahita atana mu mitwe n’uzaba yarokotse hagati ya ASCK yo muri Togo na RS Berkane yo muri Morocco.

Manzi Thierry unakinana na Kapiteni wa Amavubi, Bizimana Djihad, yakiniye amakipe atandukanye arimo Isonga F.C(2013–2014), Marines F.C(2014–2015), Rayon Sports(2015–2019), APR FC(2019–2021), FC Dila Gori(2021–2022), AS FAR(2022–2023), AS Kigali(2023).

Uko amakipe yakurikiranye ku rutonde rwa shampiyona!

1.Al Ahly Tripoli
2.Al Hilal Benghazi
3.Al Akhdar
4.Al-Ittihad
5.Al Ahly Benghazi
6.Asswehly

Leave a Reply

Your email address will not be published. Required fields are marked *