Indirimbo nshya Ibendera ya Alicia na Germaine imeze nk’urufunguzo rwo kugera ku rwego mpuzamahanga
Abaramyi Alicia and Germaine bashyize hanze indirimbo nshya bise “Ibendera”, ikubiyemo ubutumwa bukomeye bwo kwamamaza itsinzi ya Yesu Kristo. Iyi ndirimbo igaragara nk’igisubizo gikomeye cy’ivugabutumwa binyuze mu muziki, igashyira imbere insanganyamatsiko yo gutsinda binyuze muri Kristo, ari na yo shingiro ry’ubutumwa bwayo.
Mu mashusho ayiherekeza, hagaragaramo imyambarire idasanzwe yuzuyemo ubugeni n’ubuhanzi bwinshi, bigaragaza urwego rwo hejuru mu gutegura no gushyira mu bikorwa uyu mushinga. Ibi byatumye indirimbo “Ibendera” ihita ikurura amaso ya benshi, by’umwihariko abakurikiranira hafi iterambere ry’umuziki wo kuramya.By’umwihariko, hagaragaramo uruhare rukomeye rwa mama wa Alicia and Germaine, usanzwe ufite inshingano zo kwita ku myambarire y’abana be. Uwo murimo awukora abikunze kandi abizi neza, bituma imyambarire yabo ihora ifite umwihariko ujyanye n’ubutumwa indirimbo iba itanga.

Indirimbo “Ibendera” igaragaje icyerekezo gishya cya Alicia and Germaine mu muziki wa Gospel
Uretse uruhare rwa mama wabo, papa Innocent, umubyeyi wa Alicia and Germaine, ni we wita ku mikorere yose y’iri tsinda, kuva ku igenamigambi, imiyoborere, kugeza ku ishyirwa mu bikorwa ry’imishinga yabo y’umuziki. Ibi bituma ibikorwa byabo bigenda neza kandi bifite icyerekezo kigaragara.Iyi mikorere ishingiye ku muryango ituma Alicia and Germaine bakwiriye guhangwa amaso, kuko bafite icyerekezo gikomeye kandi gihamye.Mu
gihe bamwe mu bahanzi bagiye bagorwa n’imikorere mibi y’abashinzwe inyungu zabo, aba baramyi bo bafite amahirwe yo gushyigikirwa n’ababyeyi babo bazi neza umuziki ndetse n’isi y’ikoranabuhanga.

Ibendera”: Alicia and Germaine binjiye ku rundi rwego mu muziki wo kuramya
Indirimbo “Ibendera”yari imaze igihe isubikwa, by’umwihariko mu mwaka wa 2025 ubwo batangazaga ko indirimbo izasohoka muri 2026 .Gusa iki gihe cyo gutegereza cyagize umumaro, kuko umusaruro wabyo ugaragara mu mashusho y’iyi ndirimbo yakozwe mu buhanga bwo hejuru kandi igahuriramo n’abantu batandukanye bafite impano.
“Ibendera” ni imwe mu ndirimbo zifatwa nk’urufunguzo rwa Alicia and Germaine aho ibabereye intangiriro yo kwagura ivugabutumwa ryabo ku rwego mpuzamahanga. Iyi ndirimbo igaragaza intambwe nshya mu rugendo rwabo rw’umuziki, ikabashyira ku murongo w’abaramyi bafite ejo hazaza heza.

Umuramyi Germaine umwe mu bahanga mu kuyobora indirimbo, yagize uruhare rukomeye mu ndirimbo nshya Ibendera

