“ChatGPT Go” ikoreshwa kuri make yatangijwe na OpenAI
1 min read

“ChatGPT Go” ikoreshwa kuri make yatangijwe na OpenAI

OpenAI yamuritse ‘ChatGPT Go’ ifasha abayikeneye gukoresha serivisi zayo ku mafaranga make ugereranyije n’ifatabuguzi ryari risanzwe.

ChatGPT Go yatangijwe bwa mbere mu Buhinde muri Kanama 2025, yishurwa 5$ buri kwezi, ikaba ari yo yishyurwa igiciro gito mu zo OpenAI yashyize ku isoko.

Kuri uyu wa 16 Mutarama 2026, Ubuyobozi bwa OpenAI bwafashe umwanzuro w’uko ChatGPT Go izajya ikoreshwa mu bihugu 170 mbere y’uko igezwa mu bihugu byose byo ku Isi.

OpenAI yatangaje ko mu bihugu bimwe na bimwe byo ku Isi byatangiye kuyikoresha mu bintu bitandukanye birimo kwandika, kwiga, gukora amashusho no gusubiza ibibazo bitandukanye.

ChatGPT Go yemerera abayikoresha bayiguze 8$ kuyibaza ibibazo, gukora amafoto, kubaza ibibazo hifashishijwe inyandiko no kubona ibisubizo byihariye, nta mupaka ugereranyije n’abayikoresha batishyuye.

Gusa hari n’abazajya babasha kuyikoresha bishyuye 20$ aho bazajya babona serivisi zisumbuyeho.

Ubuyobozi bwa OpenAI bwatangaje ko bwashyizeho ChatGPT Go bugamije gufasha abazakoresha pororagamu nshya y’ikoranabuhanga ry’ubwenge buhangano ya GPT-5.2 biboroheye kandi byihuse.

Ni mu gihe ku bazajya bayikoresha batishyuye ayo mafaranga hari serivisi nyinshi batazajya babasha kubona ndetse bazajya baba bemerewe kubaza ibibazo 10 gusa mu masaha atanu.

Gusa kubabashije kuyishyura bo bazajya bemererwa kuyibaza ibibazo cyangwa inshuro zirenga 160 mu masaha atatu gusa.

Leave a Reply

Your email address will not be published. Required fields are marked *