TOP 7 Gospel Songs of the Week: Indirimbo nshya zigaruriye imitima y’abakunzi b’injyana ya Gospel iki cyumweru
2 mins read

TOP 7 Gospel Songs of the Week: Indirimbo nshya zigaruriye imitima y’abakunzi b’injyana ya Gospel iki cyumweru

Mu rwego rwo gukomeza kufasha abakunzi b’umuziki wa Gospel kumenya indirimbo nshya zisohoka buri cyumweru, Gospel Today igutegurira TOP 7 Gospel Songs of Week, urutonde rw’indirimbo 7 zifite ubutumwa bwimbitse kandi zikunzwe kurusha izindi buri cyumweru. Ni urutonde rugendera ku butumwa bw’indirimbo, uburyo zakiriwe ndetse n’uruhare zifasha mu kuzamura ukwizera kw’abazumva.

urutonde rwa TOP 7 Gospel Songs of Week rwuyumunsi rugizwe n’indirimbo zikurikiirana muburyo bukurikira;

1. Israel Mbonyi – Uri Yaaa

Indirimbo ikubiyemo ubutumwa bwo gushima Imana kubwo kwita ku bantu ku buryo bwihariye, ikibutsa ko ubuzima bwose bushingiye ku gukomera kwayo. Yakiriwe neza cyane mu bakunzi ba Mbonyi kubera ubutumwa bwayo buhumuriza.

2. INTORE – Nzungu ft. Gisubizo Ministries

Igaragaza ko abantu b’Imana ari “intore” zayo kandi ko itabara abayizera mu bihe byose by’amakuba. Ni indirimbo yubaka umutima kandi ifite ubutumwa bwo gukomeza abantu.

3. ARAGUKUNDA – Alarm Ministries

Yibutsa ko urukundo rw’Imana rutagira iherezo ndetse ko umuntu atigeze atereranwa n’Umuremyi. Indirimbo irimo amajwi meza n’ubutumwa bwuzuye impumuro y’ihumure.

4. SHINDA – Ngoga Christophe

Iha ubutumwa bwo gutsinda inzitizi zose biciye mu kwizera Kristo, ibwira abantu kudacika intege mu rugendo rw’ubuzima.

5. Tresor Zikama – Yesu Shema Rwanjye

Irashimangira ko Yesu ari wo mucunguzi uhora arwanira abamwizera mu mibereho yabo. Ni indirimbo yuje ubuhamya n’ubutumwa butuma umuntu yayisubiramo.

6. Nimuze Murebe – Jacques & Kamariza

Itumira abantu kureba ibikorwa by’Imana n’uburyo igaragariza ubuntu bwayo mu buzima bwa buri munsi.

7. Ntama w’Imana – Abakorerayesus Choir (ADEPR Rukurazo)

Igaruka ku ituro rya Kristo n’amaraso ye aduha agakiza n’ubuzima bushya. Indirimbo ikora ku mutima kuko yibutsa impuhwe n’imbabazi z’Imana ku bana bayo.

Urutonde rw’iki cyumweru rwerekana uburyo umuziki wa Gospel ukomeje kwaguka no gutanga ubutumwa bwubaka, bwongera kwizera kandi bukora ku mitima y’abantu mu buryo butandukanye. Gospel Today izakomeza kubagezaho uru rutonde buri wa Gatanu, tubafasha kumenya indirimbo nshya no gukurikirana uko umuziki w’Imana ukomeje gutera imbere.

Leave a Reply

Your email address will not be published. Required fields are marked *