Ibyumweru bitatu adakina: Bigirimana Abedi
Umukinnyi wo mu kibuga hagati wa Rayon Sports, Bigirimana Abedi, agiye kumara ibyumweru bitatu adakina yitabwaho n’abaganga kubera imvune y’agatsinsino.
Kuri uyu wa Gatanu, tariki ya 28 Ugushyingo 2025, ni bwo Rayon Sports yatangaje ko uyu mukinnyi wayo asigaje ibyumweru bitatu hanze y’ikibuga nyuma yo kubagwa.
Bigirimana yinjiye muri Rayon Sports muri Nyakanga 2025, avuye muri Police FC, gusa ntiyahirwa mu minsi ye ya mbere kubera kugira imvune mu bihe bitandukanye.
Imvune yageranye muri Rayon Sports yatumye adakina imikino ikomeye irimo umukino ubanza w’ijonjora rya CAF Confederation Cup batsinzwemo na Singida Black Stars i Kigali, nyamara iyi ari imwe mu mpamvu zari zatumye agurwa.
Gukomeza kwihagararaho no kuyikiniraho imikino myinshi, byatumye uburibwe bwiyongera afata umwanzuro wo kujya kwisuzumisha ku Bitaro bya Legacy, bakamurebera iby’imvune ye yo ku gatsinsino.
Mu itangazo rya Rayon Sports nyuma y’ibisubizo by’abaganga yagize iti “Abedi Bigirimana yagize imvune y’agatsinsino, ari kwitabwaho n’abaganga. Azagaruka byibuze mu byumweru bitatu. Tukwifurije gukira vuba.”
Bigirimana Abedi wanyuze muri Kiyovu Sports na Police FC, asize Rayon Sports iri ku mwanya wa gatanu n’amanota 13 ku rutonde rw’agateganyo rwa Shampiyona y’u Rwanda.
