Bwa mbere Alicia na Germaine bavuze uruhare rwa mama wabo mu ndirimbo nshya yitwa Ibendera
Alicia na Germaine bashyize hanze indirimbo nshya bise Ibendera, ikundwa cyane mbere y’amashusho yayo Itsinda rya Alicia na Germaine, rigizwe nabavandimwe b’abaririmbyi Alicia Ufitimana na Germaine Ufitimana, ryashyize hanze indirimbo nshya bise Ibendera mu buryo bwatunguranye kandi. Iyi ndirimbo yahise ijya hanze mbere y’uko amashusho yayo akorwa, bikomeza kwerekana uburyo aba bavandimwe bakomeje gutera imbere mu muziki wabo byihuse aho bashobora gukora byibuze indirimbo 6 mu mwaka umwe.

Alicia na Germaine Batunguye Abakunzi babo Bashyira Hanze Ibendera Itarimo Amashusho
Kuva yagera kuri YouTube, Ibendera yakiriwe neza cyane n’abakunzi babo n’abakurikira umuziki wa gospel muri rusange, aho abantu benshi bashimye ubutumwa bwubaka iyi ndirimbo n’ubuhanga bw’aba bahanzikazi mu kuyiririmba. Mu minota mike gusa, iyi ndirimbo yatangiye kugenda isakara ku mbuga nkoranyambaga no mu matsinda atandukanye y’abakunzi b’indirimbo zo kuramya no guhimbaza.Alicia na Germaine ni itsinda rigizwe n’abavandimwe babiri bamaze kwigarurira imitima ya benshi muri gospel nyarwanda.

Alicia na Germaine Bakomeje Gutera Imbere, Basohoye Ibendera mbere y’Amashusho yayo
Uretse kuba barinjiye mu muziki w’umwuga muri 2024. bakomeje kugaragaza umwihariko mu butumwa buboneye, hamwe n’uburyo bwiza bw’imyandikire y’indirimbo bikorwa ku bufatanye n’umubyeyi wabo, Innocent Ufitimana, ubakorera nk’umujyanama akaba n’umwanditsi abinyujije muri ABA Music.Aba baririmbyi kandi bakundwa n’abantu benshi kubera uburyo babasha guhuza impano zabo n’inshingano z’amasomo.
Alicia Ufitimana ari mu ishami rya Medicine and Surgery muri Kaminuza y’u Rwanda, naho murumuna we Germaine ari mu mashuri yisumbuye Aho yiga Languages and Literature. Ubu buryo bwo guhuza amasomo n’umuziki bukomeje kubaka isura nziza mubuzima bwawe .bikanafasha urubyiruko rutari ruke kubafataho urugero rwiza.Umuryango wabo nawo ufite uruhare rukomeye mu iterambere ry’iri tsinda.
Uretse se ubafasha gutegura no kwandika zimwe mu ndirimbo zabo, mama wabo ni we ubategurira imyambarire nibindi bituma indirimbo zabo ziba zisa neza bikabaha umwihariko mu myambarire ibagaragaza nk’abahanzi b’umwuga batunganye mu buryo bwose.Indirimbo Ibendera ikomeje gukundwa ku mbuga nkoranyambaga no mu bakunzi b’umuziki wa gospel, bikaba byitezwe ko amashusho yayo azasohoka vuba, ndetse akazana icyerekezo gishya mu rugendo rwabo rwo gukomeza kwagura imbibi z’umuziki wabo..

Indirimbo Ibendera ya Alicia na Germaine Yakiriwe Neza mu Masaha Macye Isohotse

