
Ikipe ya APR FC yiyongeje undi rutahizamu na myugariro
Ikipe ya APR FC ikomeje kwiyubaka yitegura umwaka utaha w’imikino aho yatangaje abakinnyi babiri yamaze gusinyisha William Togui Mel ndetse na Nduwayo Alex.
Ikipe ya APR FC yatangaje aba bakinnyi bombi ibinyujije ku mbuga nkoranyambaga zayo kuri uyu wa mbere wa tariki 07 Nyakanga 2025, amakuru akaba yemeza ko iyi kipe yahise inafunga isoko ry’ayo ry’igura n’igurisha ry’abakinnyi ry’iri mpishyi ya 2025.
William Togui Mel ni rutahizamu w’Umunya-Côte d’Ivoire akaba afite imyaka 28, nta kipe yari afite kuko yari yarasoje amasezerano ye mu kipe ya Keçiörengücü Spor Kulübü ikina shampiyona y’icyiciro cya Kabiri muri Turkey.
Usibye iyi kipe yo muri Turkey uyu rutahizamu yakiniraga, yanakiniye kandi Beykoz Anadolu(2023–2024), Hapoel Jerusalem F.C(2022–2023), Daring Brussels(2021–2022),
ES Tunis(2021), K.V. Mechelen(2018–2023), SC Gagnoa(2017–2018), RC Oued Zem(2017), IZ Khemisset(2015–2016), Difaâ Hassani El Jadidi(2014–2015), ndetse na Espoir Koumassi(2013–2014).
Nduwayo Alex we ni umusore ukiri muto waguzwe mu ikipe ya Gasogi United akaba akina nka myugariro ku maseno y’imyaka ine , akaba yaguzwe asaga Miliyoni 25 z’amafaranga y’u Rwanda.