Top 7 Gospel Songs of The Week: Ubutumwa Bw’ibyiringiro n’ihumure mu Ndirimbo Nshya ziyoboye izindi
Mu gihe abakunzi b’umuziki wa Gospel bitegura kwinjira muri weekend, Gospel Today ikomeje kubagezaho indirimbo nshya ziyoboye izindi, zatoranyijwe hashingiwe ku butumwa bwiza bukubiyemo n’uko zakiriwe n’abantu benshi. Izi ndirimbo zigamije gufasha abizera kwegera Imana, kuyihimbaza no kuyiramya mu mwuka w’ishimwe n’ukwizera. Dore indirimbo zirindwi nshya ziyoboye izindi muri iki cyumweru, buri imwe ikaba ifite umwihariko wayo mu butumwa itanga.
1.Mpora Mbiharira Yesu– Alarm Ministries
Alarm Ministries ikomeza kwibutsa abizera ko ubuzima nyakuri bubonerwa mu kwitanga no gukurikira Kristo by’ukuri.
2. Amaraso – Jesca Mucyowera
Jesca Mucyowera yongeye kugaruka n’indirimbo ishingiye ku mbaraga z’amaraso ya Yesu, agaragaza ko ari yo soko y’agakiza, kubabarirwa no gucungurwa.
3. Ku Musaraba – Victors Band x Drups Band | Ishimwe Deborah ft Abawe Adalbert
Iyi ndirimbo y’ubufatanye ikomeye yibutsa abizera igikorwa gikomeye cyabereye ku musaraba. Ifite ubutumwa bwimbitse bwo kwibuka imibabaro ya Kristo n’igitambo yadutanzeho ku bw’agakiza kacu.
4. Mesiya – Bobo Muyoboke
Iyi ndirimbo ikangura imitima, ikibutsa abantu ko ibyiringiro by’ukuri bibonerwa muri Kristo wenyine.
5. Uyu Mubiri” – M Nepo
M Nepo atanga ubutumwa bwo kwegera Imana mu bugingo no mu mubiri, yibutsa abizera ko imibiri yabo ari insengero z’Umwuka Wera. Ni indirimbo ihamagarira abantu kubaho ubuzima buhesha Imana icyubahiro.
6. Nzahora Ndirimba– Ebenezer Choir ADEPR Kinamba
Iyi ndirimbo ni indirimbo y’ishimwe n’ishyaka ryo kuramya Imana ubudahwema. Ebenezer Choir igaragaza icyemezo cyo gukomeza kuririmbira Uwiteka mu bihe byose, hatitawe ku bibazo by’isi.
7. Rwandaze Imana – L. Dave
L. Dave ashimangira urukundo rukomeye rwa Kristo rwatumye tuba abana b’Imana.
Izi ndirimbo zirindwi z’iki cyumweru zigaragaza uko umuziki wa Gospel ukomeje kuba umuyoboro w’ihumure, ukwizera n’ivugabutumwa. Gospel Today ikomeza kwifuriza abakunzi b’uyu muziki weekend nziza yuzuye kuramya, guhimbaza Imana no kongera imbaraga mu bugingo.

