Abakunzi b’indirimbo zo kuramya Imana bishimiye ubutumwa bwiza mu ndirimbo nshya Umwungeri Mwiza
1 min read

Abakunzi b’indirimbo zo kuramya Imana bishimiye ubutumwa bwiza mu ndirimbo nshya Umwungeri Mwiza

Abahanzi mu ndirimbo zo kuramya no guhimbaza Imana bongeye gushira igorora abakunzi b’uyu muziki, maze basohora indirimbo yuzuyemo ubutumwa bwiza yitwa “Umwangeri Mwiza.” Ni indirimbo ivuga urukundo rw’Imana ku bayizera.

Umuhanzi akaba n’umuririmbyi mu muziki wa Gospel Ben Igiraneza afatanyije na Aline N, yasohoye ku mugaragaro indirimbo nshya yise “Umwungeri Mwiza.” Kuri ubu iyi ndirimbo igaragara ku rubuga rwe rwa Youtube, ikaba yarasohotse kuri uyu wa 15 Werurwe 2026.

Iyi ndirimbo ifite ubutumwa bukomeye bwo gushimangira urukundo n’ubugingo by’Umwungeri w’ukuri muri Yesu Kristu, butambutsa ijambo ryiza ku bakunzi b’umuziki wo kuramya no guhimbaza Imana mu Rwanda no hanze y’igihugu.

Ben Igiraneza ni umuhanzi w’umuririmbyi mu njyana ya Gospel ukomeje kwandika izina rikomeye mu muziki wo kuramya no guhimbaza Imana mu Rwanda. Afite ibihangano bitandukanye, birimo indirimbo nka Iwacu ni Amahoro yakoranye na Ishimwe Ernest, Umugeni, Ndi Umwana w’Imana yafatanyije na Akanyana Impundu, Ingingo Iturengera n’izindi nyinshi.

Ben Igiraneza akunze kugaragara mu mashusho y’indirimbo ze zifite imvugo yuje ubutumwa bwiza bw’ubugingo n’urukundo rw’Imana. Akorana n’abandi bahanzi batandukanye ba Gospel ndetse akaba akunze gushyira hanze ibihangano byubakiye ku migenzo y’ijambo ry’Imana, bituma abantu benshi bamukurikirana.

Indirimbo  Umwungeri mwiza ifite amagambo akangurira abayumva gusubiza amaso kubyo Yesu Kristo akora, ikerekana rw’intama yazimiye iva mu rwuri, bigaragariza ko n’abantu bashobora kwibagirwa inzira no kugorana mu buzima, ariko Umwungere w’ukuri ahora abashaka kandi akabagarura.

Ubutumwa buhuriweho muri iyi ndirimbo ni ubwenge bwo kutareka izindi ntama ariko tukagira ubushake bwo gushaka no gukiza uwazimiye, ibi bikaba bikubiye mu ishusho y’urukundo rwa Kristo ku ntama ze.

Reba indirimbo Umwungeri mwiza

Leave a Reply

Your email address will not be published. Required fields are marked *