Umunsi nk’uyu mu mateka: Tariki ya 23 Mata
1 min read

Umunsi nk’uyu mu mateka: Tariki ya 23 Mata

Turi ku wa 23 Mata 2026.
Ni Umunsi Mpuzamahanga w’Ibitabo wizihizwa kuva mu 1995. Kuri uyu munsi abantu bashishikarizwa gukunda gusoma ibitabo, kubyandika no kubaha uburenganzira bw’abanditsi.
Ibi ni bimwe mu byaranze uyu munsi mu mateka
1994: Ntawukuriryayo Dominiko wari Superefe wa Gisagara, Callixte Kalimanzira wari umuyobozi mukuru muri Minisiteri y’ubutegetsi bw’igihugu na Rwankubito Petero wari Burugumestri wa Komini Ndora bategetse Abatutsi kujya ku musozi wa Kabuye, maze (…)

Turi ku wa 23 Mata 2026.

Ni Umunsi Mpuzamahanga w’Ibitabo wizihizwa kuva mu 1995. Kuri uyu munsi abantu bashishikarizwa gukunda gusoma ibitabo, kubyandika no kubaha uburenganzira bw’abanditsi.

Ku munsi nk’uyu Kiliziya Gatulika irizihiza Mutagatifu Maria Gabriella.

Ibi ni bimwe mu byaranze uyu munsi mu mateka

1994: Ntawukuriryayo Dominiko wari Superefe wa Gisagara, Callixte Kalimanzira wari umuyobozi mukuru muri Minisiteri y’ubutegetsi bw’igihugu na Rwankubito Petero wari Burugumestri wa Komini Ndora bategetse Abatutsi kujya ku musozi wa Kabuye, maze bazana abasirikare n’abapolisi barabarasa.

2024: Inteko insinga amategeko y’u Bwongereza yemeje ko u Rwanda rutekanye ndetse ko ari ahantu icyo gihugu gishobora kohereza abimukira.

1990: Namibie yabaye umunyamuryango wa 160 w’Umuryango w’Abibumbye n’uwa 50 muri Commonwealth.

2005: Amashusho ya mbere yahawe izina rya “Me at the zoo” yashyizwe ku rubuga rwa YouTube na Jawed Karim wari mu bari baherutse kurutangiza.

Mu muziki

1988: Indirimbo “Where Do Broken Hearts Go” ya Whitney Houston yabaye iya mbere kuri Billboard Hot 100, iba indirimbo ye ya karindwi igeze kuri ako gahigo.

Abavutse

1961: George Edward Lopez wubatse izina mu by’urwenya no gukina filimi.

1977: John Cena wubatse izina mu mukino wa Catch no gukina filme.

1978: Gezahegne Abera, Umunya-Ethiopie wamenyekanye mu gusiganwa ku maguru.

Abapfuye

1998: James Earl Ray, Umunyamerika uzwiho kuba ari we wishe Martin Luther King Jr.


2007: Boris Yeltsin wabaye perezida wa mbere w’u Burusiya.

Leave a Reply

Your email address will not be published. Required fields are marked *