Umunsi nk’uyu mu mateka: Tariki ya 02 Kamena
1 min read

Umunsi nk’uyu mu mateka: Tariki ya 02 Kamena

Turi ku wa 2 Kamena 2026.
Ni Umunsi Mpuzamahanga w’Abakora Umwuga w’Uburaya.
Ibi ni bimwe mu byaranze uyu munsi mu mateka
1994: Ingabo za RPA zabohoye Kabgayi zirokora Abatutsi bari bahungi mu bigo byaho by’abihaye Imana.
1910: Charles Rolls uri mu bashinze Rolls-Royce, yabaye umuntu wa mbere ukoze urugendo mu ndege akambuka ahazwi nka “English Channel” ava mu Bwongereza ajya mu Bufaransa arongera aragaruka adahagaze; ibifatwa nk’ikimenyetso gikomeye ny’iterambere mu by’indege muri (…)

Turi ku wa 2 Kamena 2026.

Ni Umunsi Mpuzamahanga w’Abakora Umwuga w’Uburaya.

Ku munsi nk’uyu Kiliziya Gatulika irizihiza Mutagatifu Eugene I

Ibi ni bimwe mu byaranze uyu munsi mu mateka

1994: Ingabo za RPA zabohoye Kabgayi zirokora Abatutsi bari bahungiye mu bigo byaho by’abihaye Imana.

1910: Charles Rolls uri mu bashinze Rolls-Royce, yabaye umuntu wa mbere ukoze urugendo mu ndege akambuka ahazwi nka “English Channel” ava mu Bwongereza ajya mu Bufaransa arongera aragaruka adahagaze; ibifatwa nk’ikimenyetso gikomeye ny’iterambere mu by’indege muri icyo gihe.

1962: Mu gikombe cy’isi cyakinwe uwo mwaka, byabaye ngombwa ko polisi yinjira mu kibuga inshuro nyinshi guhosha ubushyamirane hagati y’abakinnyi b’u Butaliyani n’aba Chile, umwe mu mikino ifatwa nk’iyabayemo urugomo rukomeye mu mateka.

2012: Hosni Mubarak wahoze ayobora Misiri, yakatiwe igifungo cya burundu ku bw’uburuhare yagize mu kwica abigaragambyaga mu mpinduramatwara y’icyo gihugu mu 2011.

2022: Umuryango w’Abibumbye wemeje ko igihugu cya Turukiya gihindura izina kikitwa “Türkiye”.

Mu muziki

1987: Whitney Houston yasohoye album ye ya kabiri ayita “Whitney”. Iyi yagize umwihariko wo kubonekaho indirimbo enye zagiye ziba iza mbere mu gukundwa kuri Billboard.

Abavutse

1978: Yi So-yeon, umunya-Korea wa mbere wagiye mu isanzure.

1988: Sergio Kun Agüero, umunya-Argentine wubatse ibigwi ubwo yakinaga ataha izamu mu ikipe ya Manchester City.

Abapfuye

2024: Janis Paige, umuririmbyi n’umukinnyi wa filimi w’umunyamerika.

Leave a Reply

Your email address will not be published. Required fields are marked *