Chorale Impuhwe yateguye igitaramo kizahuza amakorali menshi mu mujyi wa Rubavu mu gitaramo bise Intwari live concert

Chorale Impuhwe yo muri ADEPR Gisenyi ikomeje imyiteguro y’igitaramo cyayo ngarukamwaka cyiswe Intwari Live Concert, aho yamaze gutangaza amwe mu mamakorali azifatanya na yo mu kuramya no guhimbaza Imana muri iki gikorwa gitegerejwe n’abakunzi ba Gospel benshi.Iki gitaramo kizatangira ku wa 27 Nyakanga 2026 kikazasozwa ku wa 02 Kanama 2026, kikaba kizahuza amakorali atandukanye ndetse n’amatsinda yo kuramya Imana azaturuka mu bice bitandukanye by’umujyi wa Gisenyi no hanze yawo.Abategura

iki gitaramo bavuga ko intego nyamukuru ari ugukomeza kwamamaza ubutumwa bwiza binyuze mu muziki uhimbaza Imana.Mu makorali yamaze gutangazwa harimo Chorale La Source yo muri ADEPR Mbugangari ndetse na Goshen Choir yo muri ADEPR Gikondo SEGEM, yo akaba ari amwe mu makorali afite ubunararibonye mu murimo wo kuramya no guhimbaza Imana, bikaba biteganyijwe ko azatanga ibihe by’umwihariko muri iki gitaramo.

La Source, Goshen n’andi makorali akomeye ategerejwe mu gitaramo cya Chorale Impuhwe.

Abakunzi ba Gospel bakomeje kwitegura Intwari Live Concert izamara iminsi irindwi i Gisenyi.

Nyuma yo gutangaza ayo makorali, Chorale Impuhwe yakomeje gushyira hanze amazina y’andi makorali azifatanya na yo, arimo Chorale Alliance, Chorale Bethlehem, Chorale Ijwi, Chorale Bethania, Chorale Amahoro ndetse na El Roi Worship Team, hamwe n’andi makorali atandukanye abarizwa mu mujyi wa Gisenyi azagenda atangazwa mu minsi iri imbere.Abakunzi b’umuziki wa Gospel bavuga ko kuba iki gitaramo kizahuza amakorali menshi ari amahirwe akomeye yo gusangira ubutumwa bwiza no kugaragaza impano zitandukanye Imana yahaye abaramyi bayo.Biteganyijwe

kandi ko abazacyitabira bazagira ibihe byimbitse byo kuramya no guhimbaza Imana mu minsi yose iki gitaramo kizamara.Mu gihe imyiteguro ikomeje kugenda neza, Chorale Impuhwe irahamagarira abakunzi ba Gospel n’abatuye umujyi wa Gisenyi n’ahandi kuzitabira Intwari Live Concert 2026, mu rwego rwo gufatanya gushima Imana no kwizihiza ibikorwa byayo binyuze mu ndirimbo n’ubutumwa buzatangirwa muri iki gitaramo gikomeye.

Gisenyi yiteguye kwakira ibihe bidasanzwe byo kuramya Imana mu Intwari Live Concert.