Ubushuti hagati y’amakipe yo mu Rwanda no muri Tanzania bukomeje guhama
1 min read

Ubushuti hagati y’amakipe yo mu Rwanda no muri Tanzania bukomeje guhama

Ikipe ya Rayon Sports na APR FC biteganyijwe ko zizakina n’amakipe ya Simba SC na Young Africans mbere y’uko umwaka w’imikino utaha 2025-2026 utangira.

Nk’uko byatangajwe n’umuvugizi wa Young Africans Ally Kamwe yemeje ko bazakina na Rayon Sports tariki 15 z’u kwezi kwa munani 2025, bikazaba ari umunsi w’igikundiro nk’uko abafana ba Rayon Sports bawita(Rayon Day).

Ikipe ya Simba SC na yo iherutse kugera ku mukino wa nyuma wa CAF Confederations izaba iri i Kigali gati ya tariki 1-3 z’u kwezi kwa munani 2025 mu rwego rwo kwitegura umwaka utaha w’imikino wa 2025-2026.

Iyi mikino yombi izabera kuri sitade Amahoro nta gihindutse, cyane nk’umukino wa Rayon Sports na Young Africans byemejwe na Perezida w’iyi kipe Thadee Twagirayezu ubwo yagiranaga ikiganiro n’itangazamakuru.

Simba SC na Young Africans n’iyo makipe akomeye muri Tanzania nubwo muri iyi myaka Simba SC iri kurushwa cyane imbere mu gihugu gusa ku ruhando rwa Afurika na yo ihagaze neza.

Muri uyu mwaka w’imikino wa 2024-2025, Young Africans yegukanye shampiyona iba iya Kane yikurikiranya yari itwaye.

Leave a Reply

Your email address will not be published. Required fields are marked *