
Amissi Cédric yagarutse muri Rayon Sports
Umurundi ukina nka mababa Amissi Cédric w’imyaka 35 yagaragaye mu myitozo ya Rayon Sports yo kwitegura umwaka utaha w’imikino wa 2025-2026 kuri uyu wa Gatanu wa tariki 18 Nyakanga 2025.
Uyu musore yanyuze mu ikipe ya Rayon Sports hagati 2011–2014 ndetse atwaramo igikombe cya shampiyona mu mwaka 2013 ndetse ni we wari wabaye uwa tsinze ibitego byinshi muri shampiyona.
Amakuru yemeza ko Amissi Cédric ari mu igeragezwa byagaragara ko urwego ari rwiza akazasinya kimwa na Rutanga Eric nawe wanyuze muri iyi kipe hagati ya 2018 na 2019.
Mu mpeshyi y’umwaka ushize(2024), Cédric yasinye amasezerano y’umwaka umwe muri Kiyovu Sports gusa ntiyigeze ayikinira kuko yari mu bihano byo kutandikisha abakinnyi yahawe n’Impuzamashyirahamwe ya Ruhago ku Isi (FIFA).
Usibye gukinira Rayon Sports, Amissi Cédric yakiniye andi makipe akomeye arimo Al Qadsiah FC, Al Taawoun FC, C.F. União, FC Chibuto, Prince Louis FC ndetse n’ikipe y’igihugu y’u Burundi.