Ikipe ya Kiyovu Sports ikomeje urugamba rwo kwivana mu bibazo irimo
1 min read

Ikipe ya Kiyovu Sports ikomeje urugamba rwo kwivana mu bibazo irimo

Umurundi Haringingo Francis Christian yamaze kugirwa umutoza wa Kiyovu Sports mu gihe iyi kipe yari mu rungabangabo mu kwitegura umwaka utaha w’imikino wa 2025-2026.

Haringingo yari umutoza wa Bugesera FC umwaka ushize w’imikino nubwo atawusoje akaba yari amaze amezi atatu nta kazi yari afite.

Ubwo yatandukanaga na Bugesera FC umwaka ushize yasimbuwe na Banamwana Camarade anayifasha no kuguma mu cyiciro cya mbere.

Kiyovu Sports muri Gicurasi 2025, yahagaritse uwari umutoza wayo El Hadji Malick Wade ikaba nta mutoza mukuru yari ifite wo kuyifasha.

Usibye umutoza, amakuru aremeza ko Kiyovu Sports umwaka utaha izaba iri kumwe na Amissi Cédric wari uherutse gukora igeragezwa muri Rayon Sports gusa ntiyasinyishwa.

Haringingo yaherukaga muri Kiyovu Sports mu mwaka w’imikino wa 2021/22 aho yayifashije kuba iya kabiri muri shampiyona irushwa inota rimwe na APR FC atoza Kandi amakipe nka Mukura VS , Rayon Sports, Police FC na Bugesera FC.

Leave a Reply

Your email address will not be published. Required fields are marked *