Abatoza banyuze muri Manchester United bose birukanwe mu makipe batozaga
1 min read

Abatoza banyuze muri Manchester United bose birukanwe mu makipe batozaga

Iki ya Fenerbahce yamaze kwirukana umutoza ukomoka mu gihugu cya Portugal, Jose Mourinho, nyuma yo gusezererwa na Benfica muri Champions League mu minsi ibiri ishize.

Uyu mutoza w’imyaka 62, yageze mu ikipe ya Fenerbahce mu mwaka 2024 nyuma yo gutandukana na AS Roma muri uwo umwaka nyuma y’imyaka itatu yari ayimazemo.

Jose Mourinho nta gikombe na kimwe atwaye atoza iyi kipe gusa yabaye uwa Kabiri mu mwaka ushize w’imikino wa shampiyona inyuma ya Galatasaray yegukanye shampiyona.

Fenerbahce ifashe ikemezo cyo kwirukana Mourinho nyuma y’iminsi ibiri ya Shampiyona y’icyiciro cya mbere muri Turkey aho yari amaze gutsinda umukino umwe anganya undi.

Jose Mourinho akurikiye Ole Gunnar Solskjaer nawe wirukanywe na Besiktas mu ijoro ryakeye nyuma yo gusezererwa mu buryo butunguranye na Lausanne yo mu Busuwisi muri Conference League.

Ibyakozwe na Mourinho muri Fenerbahce:

Imikino: 62

Intsinzi: 37

Inganya: 14

Imikino yatsinzwe: 11

Ikigero cy’intsinzi: 59.6%

Leave a Reply

Your email address will not be published. Required fields are marked *