Icyamamare mu ndirimbo Z’igezweho zihimbaza Imana RAF ABLE Yashyizwe mu bahatanira “Praise Achievers Awards 2025”
2 mins read

Icyamamare mu ndirimbo Z’igezweho zihimbaza Imana RAF ABLE Yashyizwe mu bahatanira “Praise Achievers Awards 2025”

Raf Able, Umunya_Ghana umenyereweho gukora umuziki wo kuramya no guhimbaza Imana mu buryo bugezweho, yashyizwe mu bahatanira igihembo “Praise Achievers Awards 2025” mu byiciro bine bikomeye muri iri rushanwa ryubashywe cyane muri Afurika, agaragaza ko ari umwe mu bahanzi b’imbere mu kuzamura umuziki wa Gospel ugezweho.

Umuryango mugari w’indirimbo za gikirisitu muri Ghana uri mu byishimo bikomeye nyuma y’uko umuhanzi ukomeje kuzamuka mu njyana yo gukora umuziki wo kuramya Imana Ugezweho, Raf Able, yegukanye nominasiyo enye zikomeye mu bihembo by’ubashywe ku mugabane wa Afurika bizwi nka Praise Achievement Awards 2025.

Raf Able, uzwi cyane kubera uburyo ahuza injyana zigezweho, amagambo yuzuye umwuka w’Imana n’imbaraga zikangura urubyiruko, akomeje kwiyubakira izina nk’umwe mu bahanzi b’imbere mu muziki wa Gospel muri Afurika.

Praise Achievement Awards, byamamaye nk’urubuga rukomeye rwo gushimira no guteza imbere abahanzi ba Gospel. Kuri ubu byatangaje urutonde rw’abahatana muri 2025 mu birori by’uburanga byabereye mu murwa mukuru wa Ghana, Accra.

Izina rya Raf Able ryagarutsweho kenshi mu byiciro byinshi, bigaragaza umwihariko we mu buhanzi, umurava no guhindura umuryango mugari wa Gospel. Nubwo amarushanwa y’uyu mwaka ateganyijwe kuba akomeye cyane, Raf Able yashyizwe mu byiciro bine bikomeye kurusha ibindi: Umuhanzi mushya w’umwaka, indirimbo igezweho ya Gospel y’umwaka, Umuhanzi wa Gospel w’umwaka n’umuhanzi wakoranye n’abandi indirimbo y’umwaka.

Izi nominasi zamushize ku rwego rumwe n’abahanzi bakomeye mu ndirimbo za Gospel muri Ghana, zigaragaza intambwe ikomeye amaze gutera mu rugendo rwe rw’umuziki mu gihe gito cyane.

Ibihembo bya Praise Achievement Awards 2025 biteganyijwe kuba irushanwa rikomeye cyane, aho abahanzi b’ibikomerezwa, amakorali n’abahanzi bashya bose bazaba bahatanira ibihembo by’icyubahiro.

Ibi birori bizaba mu mpera z’uyu mwaka, bizaba umwanya wo gushimira no guha icyubahiro impano zidasanzwe z’abahanzi bakomeje gushishikariza abantu kwizera, guhumuriza abantu no guteza imbere impinduka nziza mu muryango.

Leave a Reply

Your email address will not be published. Required fields are marked *