Umunsi nk’uyu mu mateka: Tariki ya 27 Ugushyingo
Turi ku wa 27 Ugushyingo 2025. Ni umunsi wa 331 mu minsi igize umwaka. Hasigaye iminsi 34 ngo uyu mwaka ugere ku musozo.
Ni umunsi w’umwarimu muri Espagne.
Ibi ni bimwe mu byaranze uyu munsi mu mateka
1989: Indege yo mu bwoko bwa Boeing 727 ya kompanyi Avianca yo muri Colombia, yasandariye mu kirere, abantu 107 bayigwamo, ihitana abandi batatu bari ku butaka.
1991: Akanama k’Umuryango w’Abibumbye gashinzwe Umutekano ku Isi kafashe umwanzuro wa 712 ushyiraho ibikorwa byo kubungabunga (…)
Turi ku wa 27 Ugushyingo 2025. Ni umunsi wa 331 mu minsi igize umwaka. Hasigaye iminsi 34 ngo uyu mwaka ugere ku musozo.
Ni umunsi w’umwarimu muri Espagne.
Ibi ni bimwe mu byaranze uyu munsi mu mateka
1989: Indege yo mu bwoko bwa Boeing 727 ya kompanyi Avianca yo muri Colombia, yasandariye mu kirere, abantu 107 bayigwamo, ihitana abandi batatu bari ku butaka.
1991: Akanama k’Umuryango w’Abibumbye gashinzwe Umutekano ku Isi kafashe umwanzuro wa 712 ushyiraho ibikorwa byo kubungabunga amahoro muri Yugoslavia.
1997: Abantu 25 biciwe mu gitero cyagabwe muri Algérie.
2005: Abaganga b’Abafaransa bo mu Bitaro bya Amiens babashije gutera umuntu isura itari iye kandi bigenda neza.
Mu muziki
2021: Indirimbo “All Too Well” ya Taylor Swift yabaye iyambere ndende iciye agahigo ko gukundwa kurusha izindi kuri Billboard nyuma y’iya Don McLean yitwa “American Pie” yari yisangije ako gahigo kuva mu 1972. Iya Swift ifite iminota 10:13 mu gihe iya McLean ifite iminota 8:36.

Abavutse
1972: Havutse Twista, umuraperi w’Umunyamerika uzwiho gusukiranya vuba amagambo mu gihe ari gukora rap.

Abapfuye
2005: Joe Jones, wari umuririmbyi mu Njyana ya R&B ukomoka muri Amerika.

1975: Ross McWhirter, Umwongereza uri mu batangije Guinness Book of Records.
2008: Vishwanath Pratap Singh wabaye Minisitiri w’Intebe w’u Buhinde.
