Cristiano Ronaldo nyuma yo guhabwa ikarita itukura mu ikipe y’igihugu yafatiwe umwanzuro na FIFA gusa ntabwo uvugwaho rumwe
1 min read

Cristiano Ronaldo nyuma yo guhabwa ikarita itukura mu ikipe y’igihugu yafatiwe umwanzuro na FIFA gusa ntabwo uvugwaho rumwe

Umwanzuro impuzamashyirahamwe y’umupira w’amaguru ku Isi, FIFA, yafashe kuri rutahizamu w’ikipe y’igihugu ya Portugal, Cristiano Ronaldo, wo guhanishwa gusiba umukino umwe kubera ikarita y’umutuku yabonye, ntabwo uvugwaho rumwe.

Ni ikarita y’umutuku yabonye mu mukino wo gushaka itike y’Igikombe cy’Isi cya 2026 Portugal yatsinzwemo na Ireland ibitego 2-0. Uku guhanishwa gusiba umukino umwe byahise bituma Cristiano Ronaldo yemererwa kuzakina umukino wa mbere w’igikombe cy’Isi dore ko uyu mukino umweyahagaritswe yawusibye.

Ni wa wundi Portugal yanyagiyemo Armenia ihita ibona itike y’Igikombe cy’Isi. Hari hari ubwoba ko uyu mukinnyi ashobora guhagarikwa umukino urenze umwe bikaba byatuma asiba n’imikino ifungura igikombe cy’Isi.

Nubwo hafashwe uyu mwanzuro ariko hari ibihugu bitawishimiye ndetse ngo ibizatombora gukina na Portugal mu mikino ibiri ibanza y’Igikombe cy’Isi byiteguye kujya gutanga ikirego mu rukiko rwa Siporo (CAS) bivuga ko Cristiano Ronaldo kuba yarahawe gusiba umukino umwe bidakwiye ahubwo yagombaga guhabwa gusiba irenze umwe.

Mu mategeko ya FIFA, ikarita itukura ishobora gutuma umukinnyi ahagarikwa hagati y’umukino umwe n’itatu bitewe n’uburemere bw’ikosa.

Leave a Reply

Your email address will not be published. Required fields are marked *